МАОРИФ ВА ИЛМ
Панҷшанбе 06 Август 2020 09:44
1023
Дар Муассисаи таҳсилоти миёнаи умумии рақами 34-и шаҳри Душанбе миёни хонандагони синфҳои болоии муассисаҳои таҳсилоти миёнаи умумии ноҳияи Исмоили Сомонӣ дар мавзӯи “Ҷавонон бар зидди ифротгароӣ” озмуни иншои беҳтарин баргузор гардид.

Онро баҳри баланд бардоштании ҳисси хештаншиносии ҷавонон, пешгирии зуҳуроти номатлуб дар байни ҷавонону наврасон, нагаравидани онҳо ба гурӯҳҳои террористиву экстремистӣ Бахши ҷавонон, варзиш ва сайёҳии ноҳияи Исмоили Сомонӣ бо дастгирии Кумитаи ҷавонон, варзиш ва сайёҳии назди Ҳукумати ҷумҳурӣ, дар доираи Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2016-2018 гузаронд.

- Ҳадаф аз баргузории озмун рушди фаъолияти эҷодии хонандагон, дарёфти истеъдодҳои ҷавон, рушди сифати таҳсилот, тарбияи ватанпарастии ҷавонон ва ҳавасмандии моддию маънавии онҳо мебошад, - гуфт Сайалӣ Шаҳобов, мудири Бахши ҷавонон, варзиш ва сайёҳии  ноҳияи Исмоили Сомонӣ.

Номбурда афзуд, ки рисолати наврасону ҷавонон имрӯз пеш аз ҳама қабули арзишҳои миллӣ, муқовимат бо андешаҳои тундгаро ва муқовимат ба терроризму экстремизм мебошад. “Онҳо бояд дар руҳияи худшиносиву худогоҳӣ, ватандӯстиву ватанпарварӣ ва ифтихор аз созандагиву бунёдкорӣ тарбия ёбанд ва ҳамеша пайрави андешаҳои солиму солеҳ бошанд.

Сипас, Анзорат Нурова, директори МТМУ №34 доир ба сатҳи илмомӯзии наврасону ҷавонон ибрози андеша намуда, таъкид дошт, ки наврсону ҷавонон омӯзиши илмро вазифаи аввалиндараҷаи худ донанд ва фирефтаи андешаҳои хоми ҳизбу ҳаракатҳои ифротгаро нашванд.

“Озмуни мазкур бори дигар ҳисси хештаншиносии наврасону ҷавононро дар дили онҳо бедор месозад. Дар замони бисёр мушкили вазъи ҷаҳон баргузории чунин озмунҳо ва ҳар гуна мулоқоту вохӯриҳо наврасону ҷавононро ба сӯи созандигаҳо раҳсипор менамояд. Мо бояд нисбат ба тақдири наврасону ҷавонон бетараф набошем ва дар ҳама ҳолат онҳоро ба роҳи дурусту созанда ҳидоят намоем”, - афзуд директори мактаб.

Баъд аз натиҷагирӣ ҷойи аввал насиби Саъдулло Юсуфов, хонандаи синфи 10-и гимназияи №53 гардид. Ҷойи дуюмро Меҳронаи Фахриддин, хонандаи синфи 10-и МТМУ №26 ва ҷойи сеюмро Зарнигори Алишер ва Нигора Боқиева, хонандагони синфи 10-и гимназияи №53 ишғол намуданд.

Ба ғолибон ва 10 нафари дигар барои навиштани иншои беҳтарин “Сипоснома” ва тӯҳфаҳои хотиравии Бахши ҷавонон, варзиш ва сайёҳии ноҳияи И.Сомонӣ супорида шуд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Август 2020 c.