МАОРИФ ВА ИЛМ
Чоршанбе 14 Апрел 2021 09:18
3418
Табрикоти Аҳтам Абдуллозода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, бахшида ба Рӯзи дониш

Хонандагону донишҷӯёни азиз, ҷавонони арҷманд, зодагони даврони соҳибистиқлолии кишвар!

Нахуст ҳамаи толибилмону донишҷӯён ва мардуми шарифи Тоҷикистонро бо Рӯзи дониш, “Дарси сулҳ” ва оғози соли нави хониш, ки дар арафаи ҷашни муқаддас ва иқболи миллати тоҷик – 26-умин солгарди Рӯзи Истиқлолияти давлатии Ҷумҳурии Тоҷикистон таҷлил мегардад, самимона табрик менамоям.

Басо рамзист, ки баргузории Рӯзи дониш бо иштироки бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бо ироаи “Дарси сулҳ”, ифтитоҳи биноҳои замонавии таълимӣ, ки самараи Истиқлолияти давлатӣ ва нишонаи пойдории сулҳу субот мебошад, оғоз меёбад, ки ин аз таваҷҷуҳи Пешвои миллат нисбат ба насли ҷавони кишвар сарчашма мегирад, ки ҳар як сокини шарафманди Тоҷикистон аз ин сиёсати маорифпарваронаи Пешвои муаззами миллат ифтихор дорад.

Хушбахтона, давлату Ҳукумати кишвар пайваста саъю талош дорад, ки мақоми хосаи илму маориф ва ҷойгоҳи устоду омӯзгор дар ҷомеа аҳамияти бештар пайдо намуда, рушди тамоми соҳаҳои ҳаёти кишвар ва сатҳу сифати зиндагии мардум, пеш аз ҳама, дараҷаи донишу маърифатнокӣ ва соҳибкасбу соҳибҳунар шудани ҷомеа ҳамчун масъалаи рӯзмарра таъмин бошад.

Боиси ифтихор ва сарфарозист, ки қисмати асосии аҳолии кишварамонро маҳз ҷавонон ташкил дода, таваҷҷуҳ ба ин қишри ҷомеа аз рӯзҳои аввали соҳибистиқлолӣ дар самти таъмини иштироки фаъолонаашон дар ҳаёти сиёсӣ, иқтисодӣ ва иҷтимоиву фарҳангии кишвар ва баланд бардоштани мавқеи устуворашон дар ҷомеаи созанда ва бунёдкор оғоз ёфт ва марҳила ба марҳила тавсеа пайдо намуд.

Таҳсили беш аз 190 ҳазор донишҷӯ дар 39 муассисаи таҳсилоти олии касбии кишвар ва беш 30 ҳазор нафар ҷавонони соҳибистеъдоду лаёқатманди тоҷик дар хориҷи кишвар далели он аст, ки ҷавонони тоҷик низ дар баробари дигар халқу давлатҳои мутараққӣ бо илму дониши худ пешгом ҳастанд ва ин мояи ифтихори тамоми сокинони кишвар мебошад.

Ҷавонони саодатманди кишвар!

Бо истифода аз ин фурсати муносиб бори дигар Рӯзи дониш ва оғози соли нави таҳсилро самимона ба Шумо табрику таҳният гуфта, барои фатҳи қуллаҳои баланди илму дониш ва ҳунару истеъдод баҳри ояндаи созанда ва пояндаи Тоҷикистони соҳибистиқлол барору комёбиҳои нав ба навро бароятон таманно менамоям.

Рӯзи дониш муборак, нерӯи пуриқдидори зеҳнии кишвар!

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.