МАОРИФ ВА ИЛМ
Якшанбе 08 Сентябр 2024 05:59
![9341](/upload/iblock/37e/Untitled-1.jpg)
Имрӯз - 16 феврал дар Академияи идоракунии давлатии назди Президенти Ҷумҳурии Тоҷикистон маросими хатми аввалин магистрантони магистратураи “Мактаби давлатдории Эмомалӣ Раҳмон” ва магистратураи хизматчиёни давлатии таҳсилоти шабона баргузор гардид.
Дар маросими супоридани дипломҳо Давлатзода Музафар, мушовири калони бахши Ёрдамчии Президенти Ҷумҳурии Тоҷикистон, Давлатов Ҷумъа, директори Агентии хизмати давлатӣ, Чоршанбезода Сураҷ, муовини раиси Кумитаи кор бо ҷавонон ва варзиш, Андреас Протманн, сафири фавқулода ва мухтори Ҷумҳурии Федеративии Олмон дар Ҷумҳурии Тоҷикистон, Макс Георг Майер, роҳбари намояндагии Бунёди Ҳансс Зайдел дар Осиёи Марказӣ, Карамалишоев Карамалишо, ноиби ректор оид ба илм ва инноватсияи Академия ва кормандону омӯзгорони Академия иштирок намуданд.
Чорабиниро Карамалишоев Карамалишо ифтитоҳ намуда, магистрантонро ба муносибати хатми бомуваффақияташон таҳният гуфт.
Ӯ зимни суханрониаш зикр кард, ки ҳадаф аз ташкили магистратураи “Мактаби давлатдории Эмомалӣ Раҳмон” омӯзиши мактаби идоракунию давлатдории Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.
- Барои ҳамаи мо, бахусус хизматчиёни давлатӣ, ки сиёсати давлатиро дар соҳаи идоракунии давлатӣ ва хизмати давлатӣ татбиқ менамоянд, зарур аст, ки мактаби бузурги давлатдории Пешвои миллат муҳтарам Эмомалӣ Раҳмонро омӯзем ва онро дар фаъолияти ҳарӯзаамон татбиқ намоем,-илова кард К. Карамалишо.
Меҳмонони маросими хатм зимни суханронии худ иброз намуданд, ки ҷалби ҷавонон ба илмомӯзӣ аз рӯзҳои нахустини соҳибистиқлолӣ дар меҳвари таваҷҷуҳи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати кишвар қарор дошт. Имрӯз қисми зиёди хизматчиёни давлатиро ҷавонон ташкил медиҳанд. Ин аз он шаҳодат медиҳад, ки Пешвои миллат муҳтарам Эмомалӣ Раҳмон ба садоқати насли ҷавон ва қудрату тавоноии ин қишри ҷомеа боварӣ ва эътимоди қавӣ доранд.
Дар ин радиф, баҳри таъмини баробарии гендерӣ ва дар амал татбиқ намудани сиёсати Ҳукумати кишвар дар самти иштироки занон дар хизмати давлатӣ соли 2023 дар зинаи магистратураи “Мактаби давлатдории Эмомалӣ Раҳмон” 44 нафар магистрант, ки аз инҳо 23 нафарашон зан, инчунин дар зинаи магистратураи хизматчиёни давлатии Бунёди Ҳаннс Зайдели Ҷумҳурии Федеративии Олмон аз шумораи умумии 50 нафар магистрант, 12 нафари онҳоро занону бонувони ташаббускор ташкил медиҳанд.
Дар фарҷом аз ҷониби шуъбаи фарҳанг ва рушди истеъдодҳои ҷавон барномаи ҷолиби фарҳангӣ пешкаши ҳозирин гардонида шуд.
Дар маросими супоридани дипломҳо Давлатзода Музафар, мушовири калони бахши Ёрдамчии Президенти Ҷумҳурии Тоҷикистон, Давлатов Ҷумъа, директори Агентии хизмати давлатӣ, Чоршанбезода Сураҷ, муовини раиси Кумитаи кор бо ҷавонон ва варзиш, Андреас Протманн, сафири фавқулода ва мухтори Ҷумҳурии Федеративии Олмон дар Ҷумҳурии Тоҷикистон, Макс Георг Майер, роҳбари намояндагии Бунёди Ҳансс Зайдел дар Осиёи Марказӣ, Карамалишоев Карамалишо, ноиби ректор оид ба илм ва инноватсияи Академия ва кормандону омӯзгорони Академия иштирок намуданд.
Чорабиниро Карамалишоев Карамалишо ифтитоҳ намуда, магистрантонро ба муносибати хатми бомуваффақияташон таҳният гуфт.
Ӯ зимни суханрониаш зикр кард, ки ҳадаф аз ташкили магистратураи “Мактаби давлатдории Эмомалӣ Раҳмон” омӯзиши мактаби идоракунию давлатдории Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.
- Барои ҳамаи мо, бахусус хизматчиёни давлатӣ, ки сиёсати давлатиро дар соҳаи идоракунии давлатӣ ва хизмати давлатӣ татбиқ менамоянд, зарур аст, ки мактаби бузурги давлатдории Пешвои миллат муҳтарам Эмомалӣ Раҳмонро омӯзем ва онро дар фаъолияти ҳарӯзаамон татбиқ намоем,-илова кард К. Карамалишо.
Меҳмонони маросими хатм зимни суханронии худ иброз намуданд, ки ҷалби ҷавонон ба илмомӯзӣ аз рӯзҳои нахустини соҳибистиқлолӣ дар меҳвари таваҷҷуҳи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати кишвар қарор дошт. Имрӯз қисми зиёди хизматчиёни давлатиро ҷавонон ташкил медиҳанд. Ин аз он шаҳодат медиҳад, ки Пешвои миллат муҳтарам Эмомалӣ Раҳмон ба садоқати насли ҷавон ва қудрату тавоноии ин қишри ҷомеа боварӣ ва эътимоди қавӣ доранд.
Дар ин радиф, баҳри таъмини баробарии гендерӣ ва дар амал татбиқ намудани сиёсати Ҳукумати кишвар дар самти иштироки занон дар хизмати давлатӣ соли 2023 дар зинаи магистратураи “Мактаби давлатдории Эмомалӣ Раҳмон” 44 нафар магистрант, ки аз инҳо 23 нафарашон зан, инчунин дар зинаи магистратураи хизматчиёни давлатии Бунёди Ҳаннс Зайдели Ҷумҳурии Федеративии Олмон аз шумораи умумии 50 нафар магистрант, 12 нафари онҳоро занону бонувони ташаббускор ташкил медиҳанд.
Дар фарҷом аз ҷониби шуъбаи фарҳанг ва рушди истеъдодҳои ҷавон барномаи ҷолиби фарҳангӣ пешкаши ҳозирин гардонида шуд.
Эзоҳи худро нависед