МАОРИФ ВА ИЛМ
Ҷумъа 04 Декабр 2020 07:41
7548
12.11.2020 дар Шӯрои диссертатсионии ДМТ рисолаи номзадии унвонҷӯи кафедраи матбуоти факултети журналистикаи ДМТ Охунзода Насруддин барои дарёфти дараҷаи илмии номзади илми филология дар мавзӯи “Симои Пешвои миллат дар публитсистикаи китобии тоҷик” мавриди муҳокима қарор гирифта, бомуваффақият ҳимоя шуд.

Untitled-2.jpg

Муқарризони расмӣ Бобоҷониён Ранохон, доктори илмҳои филологӣ, вакили Маҷлиси намояндагон ва Шарипов Сангимурод, номзади илмҳои филологӣ ба кор баҳои баланд дода, аз ҷумла зикр доштанд, ки мавзӯи рисола аз нигоҳи илмӣ нав буда, дар соҳаи журналистика аввалин таҳқиқот ба шумор меравад.

Ҳамчунин гуфта шуд, ки дар натиҷаи пажӯҳиш корнамоиҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бозгӯ шуда, заминаҳои таърихии ташаккули образи Эмомалӣ Раҳмон баррасӣ мегардад. “ Диссертатсияи мазкур кӯшиши нахустин дар роҳи ташаккули образи Сарвари давлат Эмомалӣ Раҳмон дар осори публисистӣ маҳсуб ёфта, марҳалаи тасвиру инъикоси корнамоиҳои Сарвари давлат барои минбаъд ба таври густурда идома хоҳад ёфт”- зикр дошт, Бобоҷониён Ранохон.

Пажуҳиши мазкур аз ҷониби роҳбари кори илмӣ профессор Муродов Мурод низ баҳои сазоворро соҳиб гардид.

Муовини раиси Шӯрои диссертатсионии назди ДМТ Ҷамшед Саъдуллоев низ ба рисола баҳои баланд дода, ҳимояи онро дар арафаи таҷлили Рӯзи Президент басо рамзӣ хонд.

Эзоҳи худро нависед



Рамзҳо дар расм