МАОРИФ ВА ИЛМ
Шанбе 20 Июл 2024 03:21
9293
Донишгоҳи давлатии молия ва иқтисоди Тоҷикистон соли 2022 бо 6 муассисаи олии хориҷӣ, аз ҷумла филиали ҶДММ “Plagiat.pl”- и Қазоқистон, Донишгоҳи техникии Қазоқистон- Британияи Ҷумҳурии Қазоқистон, Донишкадаи омӯзгорӣ ва соҳибкории Деҳнави Узбекистон ва Ширкати технологияҳои таълимии “Shandong Daliangzao” - и Хитой, Донишгоҳи Нархози Қазоқистон, Донишгоҳи технологии Белорус шартномаҳои ҳамкорӣ ба имзо расонидааст.

Абдуалимзода Ҳакимбек Абдуалим, ректори Донишгоҳи давлатии молия ва иқтисоди Тоҷикистон имрӯз зимни нишасти хабарӣ дар ин бора иттилоъ дод.

Гуфта шуд, ки дар доираи барномаи Эразмус+ Лоиҳаи грантии "Рақамикунонии иқтисодиёт ҳамчун унсури рушди устувори Украина ва Тоҷикистон" татбиқ шуда истода, озмоишгоҳи таълимию таҷрибавии "Иқтисодиёти рақамӣ" ифтитоҳ шуд, ки бо таҷҳизоти муосири информатсионию коммуникатсионӣ ва дастгоҳҳои сабти видеоӣ ва аудиолексияҳо муҷаҳҳаз мебошад. Он имконият медиҳад, ки минбаъд раванди рақамикунонии фанҳои таълимӣ, таҳияи наворҳои иттилоотию иртиботӣ, аудио ва видеолексияҳо суръат бахшида шавад.

Эзоҳи худро нависед



Рамзҳо дар расм