Донишкадаи тиббӣ-иҷтимоии Тоҷикистон бо 11 донишгоҳу донишкадаҳои хориҷӣ ҳамкории дуҷонибаро дар самти таҳсилот, корҳои илмӣ - таҳқиқотӣ, табодули таҷрибаи донишҷӯён, ҳайати профессорону омӯзгорон ва дигар самтҳои соҳаи тиб ба роҳ мондааст.

Дар ин бора Зарина Ибодзода, ректори донишкадаи мазкур имрӯз зимни нишасти хабарӣ маълумот дода, дар шарҳи он гуфт, ки ин нисбат ба соли гузашта 8 муассиса зиёд мебошад.

- Хушбахтона, баъди ҳамкорӣ кардан бо донишгоҳҳои беруни кишвар сол то сол шумораи донишҷӯён зиёд шуда истодааст. Бояд қайд намуд, ки теъдоди умумии донишҷӯёни хориҷӣ 71 нафарро ташкил медиҳад, ки ин теъдод нисбат ба соли гузашта 36 нафар зиёд мебошад, - гуфт Зарина Ибодзода.