Дар маркази шаҳри Кӯлоб баҳри беҳтар намудани сифати таълиму тарбия дар шафати Мактаби президентӣ барои хонандагони болаёқат сохтмони бинои нави Донишкадаи технологӣ ва менеҷменти инноватсионӣ бо маром идома дорад.

Сохтмончиён аллакай як қисмати корҳои заминиро ба анҷом расониданд. Тавре Акбар Ниёзӣ, директори Донишкада зимни нишасти матбуотии ин ниҳод ба хабарнигорон иттилоъ дод, “Бинои мазкур дар масоҳати 5,8 гектар бунёд мешавад ва дар ин самт корҳои заминӣ аллакай шуруъ гардиданд. Барои таҳкурсии бино соли 2017 8 млн. сомонӣ ҷудо гардидааст. Дар назар аст, ки бинои нави Донишкада то соли ‎2019-2020 мавриди истифодаи умум қарор дода мешавад. Дар сурати фаъолияти бинои нави Донишкада теъдоди донишҷӯён дар як баст ба 3000 нафар расонида мешавад”.

Исломи РАҶАБАЛӢ, шаҳри Кӯлоб