Дар мактаби Президентии шаҳри Хоруғ даври вилоятии озмуни ҷумҳуриявии “Фурӯғи субҳи доноӣ...” гузашт, ки дар озмун 85 нафар доваталабон аз шаҳру ноҳияҳои ВМКБ ширкату баромад доштанд.

Тавре аз Бахши фарҳанги вилоят иттилоъ доданд, мувофиқи натиҷаҳои охири озмуни вилоятӣ танҳо 10 нафар ба даври ҷумҳуриявӣ роҳхат гирифтанд.

Мавриди зикр аст, ки озмуни болозикр ба ифтихори ҷашни 30 - солагии Истиқлолияти давлатӣ таҳти сарпарастии Пешвои муаззами миллат муҳтарам Эмомалӣ Раҳмон роҳандозӣ шуда, миёни қишрҳои мухталифи ҷомеа, аз ҷумла хонандагону донишҷӯёни ҳамаи зинаҳои таҳсилот ва шаҳрвандони кишвар мегузарад.