Дар Донишгоҳи байналмилалии забонҳои хориҷии Тоҷикистон ба номи С. Улуғзода барои муҳассилини шуъбаи фосилавии Донишгоҳ ду ихтисоси нав кушода шуд. Дар ин хусус имрӯз - 3 феврал Жило Гулназарзода, ректори Донишгоҳ зимни нишасти хабарӣ иттилоъ дод.

Ба гуфтаи ӯ, соли 2025 Донишгоҳ бо такя ба дастуру ҳидоятҳои маорифпарваронаи Пешвои миллат муҳтарам Эмомалӣ Раҳмон ҷиҳати навсозии муҳтавои таълим ин амалро роҳандозӣ намудааст, ки қадами ҷиддӣ дар самти таълим ба ҳисоб меравад.

Дар идома ӯ зикр намуд, ки ин ду ихтисоси нави бакалаврӣ - "Таҳсилоти ибтидоӣ, забони англисӣ (омӯзгор)" ва "Таҳсилоти томактабӣ, забони англисӣ (омӯзгор)"- и шуъбаи таҳсилоти фосилавӣ ба талаботи бозори меҳнати дохилию хориҷӣ ҷавобгӯ мебошад.

Ҳамчунин, Жило Гулназарзода қайд кард, ки нақшаи қабули донишҷӯён дар ин ихтисосҳо дар соли таҳсили 2025-2026 садфоиза иҷро шудааст.

Гулафшон КАРИМОВА, “ҶТ”