22 июл Муъмин Шарифзода, ректори Донишгоҳи давлатии ҳуқуқ, бизнес ва сиёсати Тоҷикистон зимни нишасти матбуотӣ иброз дошт, ки аз 3396 нафар донишҷўёни шуъбаи рўзонаи донишгоҳ, ки ба сесияи тобистона роҳ дода шуданд, 419 нафар бо баҳои “аъло”, 794 нафар бо баҳои “хубу аъло” ва 1921 нафар бо баҳои “омехта” ҷамъбаст намуданд, ки ба 98,7% баробар аст.

Номбурда ҳамчунин гуфт, ки донишҷӯёни донишгоҳ дар олимпиадаи Ҷоми Академияи илмҳои Ҷумҳурии Тоҷикистон ва Интернет – олимпиадаи кушоди байналмилалии донишҷўён аз фанни математика иштирок карда, ғолибият ба даст оварданд. Ҳамзамон дар ин давра гирандагони стипендияҳои номӣ-1 нафар гирандаи стипендияи Кумитаи кор бо ҷавонон ва варзиши назди Ҳукумати Ҷумҳурии Тоҷикистон, 21 нафар стипендияи раиси вилояти Суғд, 4 нафар стипендияи раиси шаҳри Хуҷанд, 24 нафар стипендияи раёсати донишгоҳ буданд, ки дар қиёс ба солҳои қаблӣ афзудааст.