МАОРИФ ВА ИЛМ
Чоршанбе 29 Сентябр 2021 04:53
8179
Дар Донишкадаи давлатии фарҳанг ва санъати Тоҷикистон ба номи Мирзо Турсунзода таваҷҷуҳи довталабон ба ихтисосҳои рӯзноманигори телевизион ва WEB-журналистика аз меъёр зиёд ба назар мерасад.

Ин нуктаро 22 июл Муҳриддин Низомӣ, ректори донишкада зимни нишасти матбуотӣ ба хабарнигорон баён намуд. Ӯ қайд кард, ки вобаста ба талаботи бозори меҳнат соли ҷорӣ бо қарори Шӯрои олимони донишкада дар назди факултети режиссура, кино ва телевизион кафедраи “Технологияи ВАО” бо ихтисосҳои “WEB -журналистика”, “PR - робита бо ҷомеа” ва “Кинотелеоператор” таъсис дода шудааст.

Гуфта шуд, ки дар донишкада бо лоиҳаи грантии бонки ҷаҳонӣ студияи таълимӣ ва студияи сабти овоз бо ҳама шароит навсозӣ шуда, барои дарсҳои амалии донишҷӯён равона карда шуд. Инчунин муассиса бо телевизиони “Синамо” ҳамкориро ба роҳ мондааст, ки ҳафтае як маротиба аз ҷониби донишҷӯёни донишкада барномаи телевизионӣ бо номи “Фарҳанг - ҳастии миллат” пешкаши тамошобин мегардад.

Муҳриддин Низомӣ инчунин илова намуд, ки барои хубтар омода намудани кадрҳои соҳаи ВАО то соли оянда таъсиси шабакаи телевизионӣ дар Донишкадаи давлатии фарҳанг ва санъат ба нақша гирифта шудааст.

Исфандиёр АМАКҶОНОВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Сентябр 2021 c.