МАОРИФ ВА ИЛМ
Чоршанбе 12 Декабр 2018 05:19
4189
13 апрел дар Донишгоҳи давлатии омӯзгории Тоҷикистон ба номи С. Айнӣ бо ташаббуси Кумитаи кор бо ҷавонон ва варзиш дар ҳамбастагӣ бо омӯзгорон ва донишҷӯёни фаъоли ин донишгоҳ, бахшида ба 140 солагии Сардафтари адабиёти тоҷик конфронси илмӣ - амалӣ баргузор гардид.

Конфронс бо иштироки зиёда аз 400 донишҷӯёни фаъол дар сатҳи баланд доир гардида, дар он намояндаи Кумитаи кор бо ҷавонон ва варзиш Муродзода Муҳсин, раиси созмони ҷавонони донишгоҳ Сайдулло Қувватов, аспиранти факултаи таърих Шамшод Ҷонмуродов, номзади илмҳои филологӣ Абдулҳамид Шоев, омӯзгори фанни таърих Давлатшоҳ Маҳмудов, унвонҷӯ Моҳира Саидова ва магистри факултаи таърих Шаҳлои Шариф доир ба ҳаёт ва фаъолияти ин фарзанди фарзонаи миллат маърӯза намуданд.

Чорабиниро раиси созмони ҷавонони донишгоҳ С. Қувватов ҳусни оғоз бахшида, меҳмононро ба чорабинӣ хушомадед гуфт.

Муродзода Муҳсин, намояндаи Кумитаи кор бо ҷавонон ва варзиш дар баромади худ иброз дошт, ки дар пешрафт ва тарақиёти адабиёти халқи тоҷик устод С.Айнӣ аввалин шахсест, ки бо асарҳои хеш хазинаи адабиёти моро ғанӣ гардонидааст: “Тавлиди адабиёти нави тоҷик ба номи ӯ сахт вобаста аст. “Намунаи адабиёти тоҷик”-и устод Айнӣ, ки соли 1926 иншо шудааст, исбот мекунад, ки тоҷикон мардуми таҳҷоии ҳамин сарзамин (Мовароуннаҳру Хуросон) буда, забону фарҳанг ва адабиёти қадима доранд,”- гуфт ӯ.

Садриддин Айнӣ яке аз бунёдгузорони адабиёти советии тоҷик, нависанда, олим, академик ва нахустин президенти Академияи илмҳои РСС Тоҷикистон (1951), ходими хизматнишондодаи илмии Ҷумҳурии Тоҷикистон, академики фахрии Академияи илмҳои РРС Ӯзбекистон ва инчунин қаҳрамони Тоҷикистон аз соли 1997 ба шумор меравад.


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.