Дар нишасти хабарии Донишгоҳи давлатии омӯзгории Тоҷикистон ба номи С. Айнӣ, ки рӯзи 15 июл доир гардид, мавзӯи меҳварии онро овозаҳои чанд моҳ пеш дар бораи он ки гуё қисми зиёди шаҳрвандони донишҷӯи Ӯзбекистон тарки таҳсили ин донишгоҳ намуданд, дар бар гирифт.

Барои посух ба ин сару садоҳо ректори ДДОТ Ғаффорӣ Нуъмонҷон Усмонзода баромад карда, иброз дошт : “Ягон нафар аз донишҷӯёни хориҷӣ то ҳол ягон ҳуҷҷати худро аз донишгоҳ нагирифтааст. Хабару овозаҳое, ки ҷанд моҳ қабл дар бораи он, ки гуё донишҷӯёни ӯзбек аз таҳсили минбаъдаи Донишгоҳи давлатии омӯзгории Тоҷикистон даст кашидаанд, дурӯғ аст”.

Гуфта шуд, ки айни замон шаҳрвандони хориҷие, ки дар ДДОТ таҳсил мекунанд, асосан донишҷӯён аз кишвари Ӯбекистон ва Озарбойҷон мебошанд. Айни замон дар донишгоҳ 1527 нафар шаҳрвандони Ӯзбекистон таҳсил мекунанд.