Дар Донишгоҳи давлатии тиҷорати Тоҷикистон ба донишҷӯёни афғон таваҷҷуҳи хосса равона гардида, онҳоро бо хобгоҳ таъмин намудаанд ва шартномаҳояшонро баланд накардаанд. Дар ин бора муовини ректори ДДТТ Саидов Саймаҳмуд имрӯз зимни нишасти хабарӣ иттилоъ дод.

-Мо дар асоси муроҷиатҳое, ки шаҳрвандони афғон ба раёсати донишгоҳ карданд, мо талаботҳои онҳоро қонеъ карда истодаем. Бештар онҳо барои хобгоҳ ба мо муроҷиат мекунанд, ки мо ба онҳо кӯмак мекунем ва талаботҳои онҳоро қонеъ мегардонем,- гуфт муовини ректори ДДТТ.

Ҳамзамон ӯ илова кард, ки барои дастгирии донишҷӯёни хориҷӣ шартномаҳои онҳоро баробари донишҷӯёни тоҷик ба роҳ мондаанд.

Бояд гуфт, ки дар ДДТТ айни ҳол 61 нафар донишҷӯ аз кишварҳои Афғонистон, Озарбойҷон ва Ӯзбекистон дар риштаҳои мухталиф таҳсил намуда истодааст.

Барои ҷалби бештари донишҷӯёни хориҷӣ ба ин муассисаи олӣ гуфта шуд, ки корҳои таблиғотӣ гузаронида мешавад.