Дар Донишгоҳи давлатии тиҷорати Тоҷикистон айни замон 9 лоиҳаи грантӣ ва ҳамкориҳои байналмилалӣ мавриди амал қарор доранд.

Ин нуктаро 4 феврал Қурбонзода Маҳмадалӣ, ректори донишгоҳ зимни нишасти матбуотӣ таъкид намуда, илова кард, ки донишгоҳ дар соли ҳисоботӣ дар барномаҳои ташкилотҳои байналмилалӣ, аз ҷумла Эразмус+, Бонки ҷаҳонӣ, Институти “Ҷамъияти Кушода" Бунёди Мадад, инчунин дар доираи созишномаҳои байналмилалии дуҷониба ба тасвибрасида, фаъолона иштирок намуд.

Инчунин гуфта шуд, ки донишгоҳ бо якчанд муассисаҳои таҳсилоти олии кишварҳои хориҷӣ, аз ҷумла бо донишгоҳҳои мухталиф аз Иттиҳоди Аврупо, Иттиҳоди Давлатҳои Мустақил, Иёлоти Муттаҳидаи Амрико, Туркия ва Кореяи Ҷанубӣ шартнома баста, ҳамкориро ба роҳ мондааст. Дар асоси шартномаҳои ба имзорасида, донишҷӯён ва омӯзгорони донишгоҳ барои идомаи таҳсил дар мувофиқа бо Вазорати маориф ва илми Ҷумҳурии Тоҷикистон ба донишгоҳҳои олии хориҷи кишвар сафарбар карда мешаванд.