Давоми соли 2023 Донишгоҳи аграрии Тоҷикистон ба номи Шириншоҳ Шоҳтемур бо 22 муассисаи таҳсилоти олии касбӣ, созмону ташкилотҳои байналмилалӣ дар бахшҳои мухталиф созишномаҳои ҳамкорӣ бастааст.

Ин нуктаро 31-уми январ Маҳмадёрзода Усмон Маъмур, ректори донишгоҳи мазкур зимни нишасти матбуотӣ қайд кард.

"Дар ҳамкорӣ бо ташкилоти ТИКА - и Туркия ва "Ассосиатсияи дӯстии байни Ҷумҳурии Корея ва кишварҳои Осиёи Миёна" дар Донишгоҳи аграрии Тоҷикистон се гармхонаи замонавӣ сохта ба истифода дода шудааст, ки яктои он бо усули ҳозиразамон (гидропоника) фаъолият мекунад", - гуфт ректори донишгоҳ.

Ҳамчунин қайд карда шуд, ки донишгоҳ айни замон бо 123 ташкилоту муассисаҳои олии хориҷи кишвар шартнома оид ба ҳамкорӣ дорад ва 9 лоиҳаи грантӣ амалӣ шуда истодаанд.

Ҳошим РАҲМАТУЛЛОЕВ, “ҶТ"