Барои рушди заминаҳои моддӣ - техникӣ, имкони иштирок дар тренингҳои байналмилалӣ ва сайқали маҳорати касбии донишҷӯëн ва кормандони донишгоҳ, Раëсати донишгоҳ 16 дархост барои иштирок дар озмуни лоиҳаҳои байналмилалӣ пешниҳод намудааст, ки дар назар аст солҳои оянда амалӣ гардад.

Дар ин бора Маҳди Томатов, муовини аввали ректори Донишгоҳи технологии Тоҷикистон 15-уми июл зимни нишати хабарӣ иттилоъ дод.

Ӯ зикр кард, ки дар 6 моҳи соли 2022 Донишгоҳи технологии Тоҷикистон бо 13 муассисаи таҳсилоти олии касбӣ, созмону ширкатҳои хориҷӣ ҷиҳати ба роҳ мондани ҳамкориҳои байналмилалӣ шартнома ва созишномаҳои тарафайн ба имзо расонидааст. Донишгоҳ дар амалӣ гардидани 7 лоиҳаи Барномаи ЭРАСМУС± Иттиҳоди Аврупо, лоиҳаи "Рушди таҳсилоти олӣ" - и Бонки ҷаҳонӣ, лоиҳаи "Маълумоти касбӣ ва такмили ихтисос дар Осиëи Марказӣ" -и Созмони ҳамкориҳои байналмилалии Олмон (GIZ), лоиҳаи Ташкилоти Кореягии WTIT "Интиқоли технологияҳои коммуникатсионии глобалӣ"-и Маркази байналмилалии тиҷоратӣ ( ITC) фаъолона иштирок намуд.

Зуҳро РИЗОЗОДА, “ҶТ”