МАОРИФ ВА ИЛМ
Ҷумъа 22 Октябр 2021 02:58
8165
- Пешравии илми тоҷик ин рӯ овардан ба фанҳои дақиқ аст. Аз ин лиҳоз, Донишгоҳи славянии Русияву Тоҷикистон барои равнақ додани илмҳои дақиқ ва ҷалби донишҷӯён ба фанҳои марбута як қатор корҳои назаррасро ба сомон расонидааст. Аз ҷумла, дар давоми як соли гузашта чанд лабораторияҳои илмиву таҷрибавӣ, аз қабили лабораторияи химия, лабораторияи биофизика, лабораторияи саҳроӣ ва маркази технологияи иттилотӣ ва омӯзиши фосилавӣ ба истифода дода шуд.

Ин нуктаро Тоҳир Хоҷазода, ректори донишгоҳ 15-уми июл зимни нишасти хабарӣ ба хабарнигорон гуфт.

Ӯ ҳамчунин илова кард, ки раёсати донишгоҳ тасмим гирифтааст, барои ҷалби бештари донишҷӯён стипендияи номӣ дар самти илмҳои дақиқро роҳандозӣ намояд.

Дар ин баробар гуфта шуд, ки дар донишгоҳ ҳамаи шароит фароҳам буда донишҷӯён ва кормандон пайваста зери дастгирии ҳукуматҳои Русия ва Тоҷикистон қарор доранд. Ва дар доираи 20-солаи омӯзиши фанҳои дақиқ, табиӣ ва риёзӣ онҳо тасмим гирифтаанд, ки таваҷҷуҳи ҳарчи бештари корҳои илмиро низ ба самти илмҳои дақиқ нигаронанд ва ба ин васила дар пешрафти рӯзафзуни кишвар саҳми муносиб гузоранд.

Ёдовар мешавем, ки Донишгоҳи славянии Русияву Тоҷикистон ягона муассисаи бонуфузи таълимии олии байнидавлатии Федератсияи Русия ва Ҷумҳурии Тоҷикистон ба ҳисоб рафта, дар он кадрҳои доираи васеи ихтисосҳо ва ҷавобгӯ ба талаботи байналмилалӣ омода карда мешавад.

Исфандиёр АМАКҶОНОВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Октябр 2021 c.