Соли сипаришуда Донишгоҳи техникии Тоҷикистон ба номи М. Осимӣ бо корхонаву ширкатҳои ватанӣ ҳамкориҳои судмандро ба роҳ монда, барои кушодани филиали кафедраҳои Донишгоҳ дар истеҳсолот, гузаронидани таҷрибаомӯзиҳо дар дарсҳои озмоишӣ-амалӣ шартномаҳои тарафайнро ба имзо расонидааст.

Дар ин бора Давлатзода Қудрат Қамбар, ректори донишгоҳи мазкур 30 январ зимни нишасти хабарӣ иттилоъ дод.

Ӯ дар идома гуфт: “Соли 2023 дар иншооти муҳими стратегӣ- НБО-и “Роғун”, ҶСК “Азот”, НБО-и “Варзоб” ва дигар корхонаву муассисаҳои давлатӣ ва истеҳсолӣ филиалҳои кафедраҳои донишгоҳ ифтитоҳ гардиданд, ки дар татбиқи ҳадафҳои донишгоҳ ва омодакунии кадрҳои баландихтисос саҳми муносиб гузошта истодаанд”.

Ҷонибек ДАВРОНОВ, “ҶТ”