Дар нимсоли аввали соли 2023 Донишгоҳи технологии Тоҷикистон бо 11 муассисаи таҳсилоти олии касбӣ, созмону ширкатҳои хориҷӣ ҷиҳати ба роҳ мондани ҳамкориҳои байналмилалӣ шартнома ва созишномаҳои тарафайн ба имзо расонидааст.

Ин нуктаро Илҳом Амонзода, ректори донишгоҳи мазкур 1-уми август зимни нишасти матбуотӣ қайд кард.

Номбурда ҳамчунин иброз дошт, ки дар ин нимсола донишгоҳ барои амалӣ гардидани 5 лоиҳаи Барномаи ЭРАСМУС+ Иттиҳоди Аврупо Лоиҳаи "Таҳсилоти касбӣ барои бахшҳои рушди иқтисодӣ дар Осиёи Марказӣ"-и Созмони ҳамкориҳои байналмилалии Олмон (GIZ), лоиҳаҳои Ташкилоти Кореягии WTIT "Интиқоли технологияҳои коммуникатсионии глобалӣ”, Маркази байналмилалии тиҷоратӣ (ТТС), фаъолона иштирок намуда истодааст, ки амалишавии бештари онҳо дар солҳои оянда низ идома меёбад.

Ҳ. РАҲМАТУЛЛОЕВ, “ҶТ”