15 июл, дар Донишгоҳи технологии Тоҷикистон (ДТТ) бо иштироки раёсати донишгоҳ ва ҷамъи рӯзноманигорон нишасти матбуотӣ баргузор гардид.

Маҳмуд Тошматов, ноиби якуми ректори ДТТ доир ба бартарияти низоми кредитӣ аз низоми анъанавӣ ва пазироии он аз ҷониби муассисаҳои олии ҷаҳонӣ сухан ронда, қайд кард, ки то кунун тамоми усулҳои ин низом дар ҷумҳурӣ ба таври бояду шояд ҷорӣ нагардидаанд.

Номбурда мушкилоти асосиро дар беаҳамиятии донишҷӯён нисбат ба раванди дарс арзёбӣ карда, иброз дошт, ки аксаран донишҷӯён бо истифода аз роҳу усулҳои гуногун масъулияти ба зиммадоштаи худро иҷро намекунанд.

Дар идома вобаста ба масъалаи бо ҷои кор таъмин намудани хатмкунандагони донишгоҳ гуфта шуд, донишгоҳ бо якчанд вазорату идораҳои дахлдор ҳамкории зич дошта, хатмкунандагони тариқи буҷавӣ аз ҷониби садорати донишгоҳ ба ниҳодҳои дахлдор барои бо кор таъмин гардидан, пешниҳод мешаванд.