Соли 2022 дар 18 шурои диссертатсионии амалкунандаи Ҷумҳурии Тоҷикистон ҳамагӣ 137 рисола, аз ҷумла 22 рисолаи докторӣ ва 115 рисолаи номзадӣ дифоъ карда шуд. Дар 7 шурои дар АМИТ амалкунанда бошад, ҳамагӣ 53 рисола, аз ҷумла 10 рисолаи докторӣ ва 43 рисолаи номзадӣ дифоъ гардидааст.

Ин нуктаро Фарҳод Раҳимӣ, президенти Академияи миллии илмҳои Тоҷикистон 8 феврал зимни нишасти матбуотӣ баён намуд.

Гуфта шуд, ки дар 8 шурои диссертатсионии амалкунандаи АМИТ, ки бо қарори Комиссияи олии аттестатсионии назди Президенти Ҷумҳурии Тоҷикистон таъсис дода шудаанд, ҳамагӣ 22 рисола, аз ҷумла 1 рисолаи докторӣ ва 21 рисолаи номзадӣ дифоъ карда шудааст.