Дар шаҳри Кӯлоб бахшида ба 26-солагии Истиқлолияти давлатии кишвар ва “Соли ҷавонон” мусобиқаи кушоди минтақавӣ оид ба футбол байни наврасони солҳои таваллуди ‎2004-2005 оғоз гардид.

Дар ин мусобиқа 12 даста ба ду гурӯҳ, барои ба даст овардани Ҷоми мактаби варзишии шаҳри Кӯлоб давоми 5 рӯз байни ҳам қувваозмоӣ маекунанд. Чор дастаи беҳтарин ба даври ниманиҳоӣ роҳ меёбанд.

Ғайраталӣ Мираҳмадов, сардовари мусобиқа, иброз медорад, ки дар ин мусобиқа ба ғайр аз дастаҳои Мактаби варзишии шаҳри Кӯлоб дастпарварони навраси ноҳияҳои минтақа низ даъват гардидаанд: “Мо аз миёни варзишгарон беҳтаринҳоро интихоб карда, дар оянда ба дастаи наврасони “Равшан”-и шаҳри Кӯлоб ва дастаҳои дигари футболи ҷумҳурӣ даъват менамоем”.

Ғолибони мусобиқа дар арафаи таҷлили ҷашни Истиқлолияти давлатӣ бо медалу диплом ва туҳфаҳои таъсиснамудаи Муассисаи давлатии Мактаби варзишии шаҳри Кӯлоб қадрдонӣ мешаванд.

Умед МИРЗОЕВ, “ҶТ”