МАОРИФ ВА ИЛМ
Чоршанбе 17 Август 2022 06:22
6630
Бо ташаббуси шуъбаи маорифи ноҳияи Хуросон миёни хонандагони муассисаҳои таълимии ноҳия маҳфили адабиву зеҳнии китобхонӣ баргузор карда шуд, ки дар он беш аз 600 нафар бо завқи баланд иштирок карданд.

Маҳфили мазкур дар идомаи мантиқии озмуни ҷумҳуриявии “Фурӯғи субҳи доноӣ...” бо ибтикори шуъбаи маориф бо мақсади ҷалби бештари насли наврас ба китобхонӣ ва зиёд намудани завқу рағбати муҳассислин ба ашъори пурғановату оламшумули адибону шоирони классику муосири тоҷик роҳандози карда шудааст.

Ба иттилои мудири шуъбаи маорифи ноҳияи Хуросон тадбири мазкур марҳила ба марҳила дар мавзӯъҳои муайян аз эъҷодиёти бузургони илму адаби класику муосир гузаронида мешавад.

Зимни баргузории даври аввали маҳфили адабиву зеҳнӣ, ки аз мутолиа, азёд ва нақлу қироати ғазалиёт ва қиссаву достонҳои пурмазмуни ғазалсарои тоҷик, ки тули асрҳо дар дохил ва хориҷи кишвар мавриди баҳрабардорӣ қарор дорад, Бадриддин Ҳилолӣ ва эъҷодиёти пурмаҳсулу рангини шоири муосири тоҷик Лоиқ Шералӣ иборат буд, хонандагон бо омодагии ҳамаҷониба байни ҳам рақобати зеҳнӣ карданд.

Аз иштироку баромади насли наврас дар ин маҳфил мушоҳида гардид, ки нисбат ба адабиёт, шеъру ғазал ва асарҳои тараннумгари одобу ахлоқ, ватандӯстиву хештаншиносӣ ва ишқу муҳаббату вафодорӣ майли беандоза даранд.

Масъулин баргузории ин қабил озмуну чорабиниҳоро дар самти бештару пуршавқ ба китобхонӣ ҷалб намудани аҳли ҷомеъа, хусусан насли наврасу ҷавон таъсирбахш дониста, нақша доранд, ки минбаъд ҳар моҳе як маротиба ин маҳфилро дар мавзӯъҳои дигар роҳандозӣ намоянд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Август 2022 c.