Соли 2016 барои соҳаи маорифи мамлакат аз буҷети давлатии ҷумҳурӣ 3 млрд. 146 млн. 229 ҳазор сомонӣ ҷудо шудааст, ки нисбат ба соли 2015 7,8% зиёд мебошад.

Нуриддин Саид, вазири маориф ва илми мамлакат, дар нишасти матбуотӣ зикр кард, ки дар шаш моҳи сипаригаштаи соли ҷорӣ аз ҳисоби ҳамаи сарчашмаҳои маблағгузорӣ 20 муассисаи таълимӣ барои 4643 ҷойи нишаст бо маблағи умумии 116 млн. 761 ҳазор сомонӣ ба истифода дода шуда, инчунин тибқи нақша бахшида ба ҷашни 25-солагии Истиқлолияти давлатӣ 63 иншооти соҳаи маориф сохта мешавад.