Онҳо давоми сол чӣ фаъолият доштанду чӣ дастовард

Дар соли 2022 дар Ҷумҳурии Тоҷикистон ба зинаи магистратура ва докторантура 2173 нафар қабул гардидаанд. Дар ин бора Вазорати маориф ва илми Ҷумҳурии Тоҷикистон иттилоъ медиҳад.

Гуфта мешавад, ки аз ин шумора 390 нафари он аз рӯи ихтисоси (PHD) 47 нафар рисолаи илмии худро ҳимоя намудаанд, ки 14,2 %-ро ташкил медиҳад.

Дар соли таҳсили 2021-2022 дар кишвар 3435 нафар кадрҳои илмӣ фаъолият намудаанд, ки аз онҳо 706 нафар доктори илм- 21% (аз ин 127 нафар занон-3,7%) ва 2729 нафар номзади илм-79% ( аз ин 957 нафар занон-28%) мебошанд.

Ҳамзамон гуфта мешавад, ки дар кишвар 66 шурои диссертатсионӣ амал менамояд, ки аз ҷониби Комиссияи олии аттестатсионии назди Президенти Ҷумҳурии Тоҷикистон таъсис дода шуда,аз рӯи 154 ихтисоси анъанавӣ ва 154 ихтисоси доктори фалсафа амал мекунад.

Дар соли ҳисоботӣ 253 диссертатсия аз ҷониби Комиссияи мазкур тасдиқ гардидааст.