7 декабр дар ноҳияи  Мастчоҳи вилояти Суғд дар муассисаи таҳсилоти миёнаи умумии №38 синфхонаҳои иловагӣ ба истифода дода шуд.

Дар маросими кушодашавии бино  Раҳматулло Мирбобоев, муовини вазири маориф ва илми Ҷумҳурии Тоҷикистон, Осим  Каримзода, сардори Раёсати маорифи вилоят  ва Ғайрат Азиззода, раиси ноҳияи Мастчоҳ иштирок намуданд. Дар ин бора Хадамоти матбуоти вилояти Суғд иттилоъ медиҳад.

Бинои навбунёд иборат аз 9 синфхона буда, сохтмони синфхонаҳои иловагӣ  бо харҷи 3,5 миллион сомонӣ аз ҷониби соҳибкор Фаррух Шарипов ба анҷом расонида шудааст.

Муассисаи таълимӣ аз ҳисоби Вазорати маориф ва илми Ҷумҳурии Тоҷикистон  бо 110 ҷуфт мизу курсӣ, 9 тахтаи синфӣ, 9  мизу курсӣ барои омӯзгорон,  таҳҷизот барои ҳуҷраи кории директор ҳамчунин аз ҷониби Мақомоти иҷроияи ҳокимияти давлати вилояти Суғд бо 3 адад компютер ва аз ҳисоби мақомоти ҳокимияти маҳаллӣ бошад бо 2 адад компютер таъмин карда шуд.

Анйи ҳол дар мактаби мазкур сохтмони толори варзишӣ  низ идома дорад.

Ёдовар мешавем, Фаррух Шарипов соли 2011 низ  дар назди муассиси мазкур 7 синфхонаи иловагӣ бунёд намуда буд.