МАОРИФ ВА ИЛМ
Панҷшанбе 13 Август 2020 05:09
1689
Дар китобхонаи марказии Донишгоҳи давлатии Хуҷанд ба номи академик Бобоҷон Ғафуров муаррифии китоби тозанашри Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон таҳти унвони “Забони миллат-ҳастии миллат” бо иштироки устодон ва донишҷӯёни ДДХ баргузор гардид.

Дар он Анвар Мақсудӣ ректори ДДХ суханронӣ намуда, иброз дошт: “Забони тоҷикӣ дар тӯли чандҳазорсолаи хеш бо вуҷуди он ҳама бархӯрд бо чандин забонҳои тавонои дунё чеҳраи асили худро нигоҳ дошт. Имрӯз дар давлатдории навин мо ба асолати забони пуриқтидори хеш бармегардем.

Забон омили муттаҳидкунанда ва ваҳдати миллати мо буд ва минбаъд низ чунин боқӣ хоҳад монд. Чанде қабл китоби тозанашри Пешвои миллат таҳти унвони “Забони миллат-ҳастии миллат” аз нашр баромад, ки роҷеъ ба тамоми ҷабҳаҳои таърихии забони тоҷикӣ дар асоси сарчашмаҳои маълуму дастрас, ахбору асноди дар муомилоти илмӣ машҳур ва андешаҳои дар миёни донишмандон роиҷ таҳия шудааст. Китоб ҷанбаи маърифатӣ дошта, бо мақсади огоҳии бештари ҳамватанон аз таърихи забони модарии хеш, бо сабки илмию оммавӣ навишта шудааст.

Дар китоб оид ба даврабандии таърихии забони тоҷикӣ, саргузашти таърихии вожаи “тоҷик” ва забони тоҷикӣ, забони тоҷикӣ дар давраи истилои араб ва нахустин сулолаҳои эронитабор, аҳди Тоҳириён, Саффориён ва эҳёи давлатдории миллӣ, куҳантарин намунаҳои хаттии забони тоҷикӣ, нахустин осори хаттии назму насри тоҷикӣ, замина ва омилҳои ташаккули забони адабӣ, забони илм ва ташаккули истилоҳот ва ғайраҳо маълумот дода шудааст. Ҳадафи аслии муаллиф ин аст, ки хонандагон, махсусан насли навраси мо бояд ворисони арзандаи забони хеш гарданд ва ин кохи муҳташамро аз газанди боду борони замони ҷаҳонишавӣ нигоҳ доранд ва ба наслҳои оянда мерос гузоранд”.

Дар чорабинӣ олимон ва устодони ДДХ низ баромад намуда, дар барои асолати забони тоҷикӣ ва аҳамияти китоби тозанашри Пешвои миллат суханронӣ намуданд.







Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Август 2020 c.