Дар Маркази тиҷоратии “Созидание” муаррифии дастурамали таълимии “Маҷмуаи дарсҳо оид ба расонаҳои нав” баргузор гардид.

Ин дастурамалро Намояндагии институти инъикоси ҷанг ва сулҳ дар Тоҷикистон (IWPR) дар якҷоягӣ бо Вазорати маориф ва илми Ҷумҳурии Тоҷикистон таҳия ва пешниҳод намудаанд. Гуфта мешавад, ки дастурамали мазкур барои омӯзгорону донишҷӯёни факултаҳои журналистии муассисаҳои таҳсилоти олии касбӣ равона гардидааст.

Маҷмӯа аз ҳафт курс иборат буда, ба махсусиятҳои кори ВАО-и нав, шароит ва омилҳои таҳияи матолиби муваффақи иттилоотӣ дар интернет, усул ва принсипи кори рӯзноманигорони интернетӣ бахшида шудаанд.

Ҳар курс бо дарсҳо тақсим шудааст, ки аз маводи назариявӣ барои омӯзгорон ва наворҳои омӯзишии мавзӯӣ иборатанд. Барои таҳкими маводи омӯхташуда дар ҳамаи машғулиятҳо супоришу вазифаҳо пебинӣ шудаанд.

Ин дастурамал дар шакли медиаи нав таҳия шуда, устодон ва донишҷӯён ғайр аз шакли китобӣ ҳамзамон метавонанд танҳо ба воситаи камераи телефон онро дастрас ва мутоила намоянд.