Дар Коллеҷи технологии шаҳри Душанбе бо иштироки донишҷӯёну устодон дар ҳошияи Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” вохӯрӣ ва мулоқот баргузор шуд.

Зимни ин мулоқот таъкид гардид, ки қабули қонуни мазкур яке аз иқдомҳои саривақтӣ мебошад. Зеро маҳз падару модар зимни ба камол расонидани шахсиятҳои соҳибмаърифат, инсони комил ва рушди нерӯи инсонӣ нақши муассир доранд.

Ёдовар мешавем, ки ин чорабинӣ бо ташаббуси Кумитаи кор бо ҷавонон ва варзиши назди Ҳукумати кишвар дар якҷоягӣ бо кумитаҳои кор бо занон ва оила, оид ба корҳои дин танзими анъана ва ҷашну маросимҳо миллӣ баргузор карда шуд.