- Дар соли 2018 аз ҷониби Маркази таҳия, нашр ва муомилоти китобҳои дарсӣ, илмию методӣ дар ҷаласаҳои Шӯрои миллии таҳсилот ва мушовараи Вазорати маориф ва илм 432 дастхати адабиёти таълимӣ мавриди баррасӣ қарор гирифта, ба чоп пешниҳод шуданд, - иброз дошт вазири маориф ва илми кишвар Нуриддин Саид 1 феврал зимни нишастӣ матбуотӣ.

Ба иттилои вазир яке аз самтҳои афзалиятноки соҳаи маориф таҳия, нашр ва таъмини муассисаҳои таҳсилоти умумӣ бо китобҳои дарсӣ, барномаҳои таълимӣ ва дигар дастурҳои методӣ мебошад: “Соли ҷорӣ 44 номгӯи китоби дарсӣ ба миқдорӣ 3 342 481 нусха нашр шуд. Дар баробари нашри китобҳои дарсӣ, инчунин бо мақсади ҷалби хонандагон ба хониши адабиёти бадеӣ ба миқдори 143 24 нусха ба муассисаҳои таҳсилоити умумӣ дастрас карда шуд,”-гуфт дар идома вазир.

Ҳамчунин гуфта шуд, ки ба шуъбаҳои маорифи шаҳру ноҳияҳои ҷумҳурӣ ва дигар ташкилоту муассисаҳои таълимӣ 96 номгӯи китоби дарсӣ ба миқдори 3 200 739 нусха дастрас карда шуд. Дар ин замина, инчунин 50 номгӯи маводи таълимӣ (барномаҳои таълимӣ, дастури методӣ ва ғайра) ба миқдори 232 751 ирсол карда шуд.