Ин нуктаро имрӯз Низомӣ Муҳриддин, ректори Донишкадаи давлатии фарҳанг ва санъати Тоҷикистон ба номи М. Турсунзода зимни нишасти матбуотӣ иброз дошт.

“Маркази миллии тестӣ истеъдодҳоро дур накард, вале кам кард. Масалан, соли 2020 як писараки хурд ҳамроҳи марде омад ва хоҳиш кард, ки коре кунем ва ӯ ба донишкада дохил шавад. Ва мо баъди пурсиш фаҳмидем, ки ӯ имтиҳони эҷодию маҳоратро бо холҳои баланд супоридааст, аммо аз имтиҳонҳои асосии ММТ афтидааст. Мо дидем, ки дар ҳақиқат ӯ маҳорати баланди актиёрӣ дорад, баҳои баланд гузоштем ва шартномавӣ ҳам бошад, ҳоло таҳсил дорад. Мо дар имтиҳонҳои эҷодию маҳорат истеъдодҳоро дастгирӣ карда метавонем, аммо дар имтиҳонҳои асосии ММТ не”, - гуфт ректор.

Ҳамчунин ректори ин донишкада бо таассуф афзуд, ки барои аз низоми кредитӣ ба низоми анъанавӣ гузаштан, ба вазорату идораҳои дахлдор борҳо муроҷиат намудаанд, аммо натиҷае надодааст.