МАОРИФ ВА ИЛМ
Сешанбе 25 Апрел 2017 07:58
2137
Дар бинои марказии Донишгоҳи миллии Тоҷикистон конференсия вобаста ба қатъномаи Маҷмааи умумии Созмони Милали Муттаҳид оид ба Даҳсолаи байналмилалии амал “Об барои рушди устувор, 2018-2028” баргузор шуд.

Дар оғоз ректори донишгоҳ Имомзода Муҳаммадюсуф ду номаи табрикие, ки аз ҷониби Дабири кулли СММ Пан Ги Мун ва раиси Маҷмааи Ассамблеи генералии СММ Питер Томсон ба муносибати қабул шудани қатъномаи “Даҳсолаи байналмилалии амал “Об барои рушди устувор, 2018-2028” ба унвонии Президенти кишвар ирсол гардиданд, ба самъи ҳозирин расонид.



Ректори донишгоҳ устодон ва донишҷӯёнро ба ин муносибат табрик карда, иброз дошт, ки: “Фикр мекунам, ин номаҳои табрикӣ ба кулли мардуми Тоҷикистон дахл дорад. Мо ифтихор мекунем, ки пешниҳоди Ҳукумати Ҷумҳурии Тоҷикистон дар сатҳи хеле баланд аз ҷониби СММ дастгирӣ ёфта, қабул гардид. Ин пеш аз ҳама аз обрӯи кишвар ва сиёсати муваффақи берунаи мо дарак медиҳад”.

Дар идомаи конференсия паҳлӯҳои гуногуни масъалаи мазкур баҳогузорӣ гардида, ҷиҳатҳои сиёсӣ, ҳуқуқӣ ва иқтисодии он мавриди барассӣ қарор гирифт.

Дар назар аст, ки ДМТ дар давоми солҳои 2018-2028 даҳҳо мизи мудаввару чарабиниҳоро дар робита ба ин мазӯъ доир намояд.

Эзоҳи худро нависед



Рамзҳо дар расм