17 октябр дар саҳни Муассисаи давлатии “Маркази кӯдакон ва наврасони шаҳри Душанбе” маросими ифтитоҳи даври шаҳрии Озмуни ҷумҳуриявии “Фурӯғи субҳи доноӣ китоб аст” оғоз ёфт.

Дар ифтитоҳи маросими мазкур намояндагони мақомоти иҷроияи ҳокимияти давлатии шаҳри Душанбе, Кумитаи телевизион ва радиои назди Ҳукумати Ҷумҳурии Тоҷикистон, Иттифоқи нависандагони Ҷумҳурии Тоҷикистон, Сарраёсати маорифи шаҳри Душанбе ва намояндагони ВАО ширкат варзиданд.

Дар оғози ифтитоҳи даври шаҳрии Озмуни ҷумҳуриявии “Фурӯғи субҳи доноӣ китоб аст” Дилбар Одилзода, муовини раиси шаҳри Душанбе суханронӣ намуда, барои тамоми иштирокчиён барору комёбӣ таманно намуд.

Лозим ба зикр аст, даври шаҳрии озмун, ки  аз 17 то 23 октябр идома меёбад 423 нафар довталабон ширкат меварзанд ва ин нисбат ба соли гузашта 143 нафар зиёд аст.

Таҳмина ЮСУФӢ “ҶТ”