МАОРИФ ВА ИЛМ
Якшанбе 20 Сентябр 2020 11:28
1878
Дирӯз, 10 ноябр дар Вазорати фарҳанги Ҷумҳурии Тоҷикистон озмуни «Муаллими беҳтарин», «Донишҷӯи беҳтарин» ва «Хонандаи беҳтарини соли-2016» ҷамъбаст гардид.

Озмун моҳи октябри соли ҷорӣ бо мақсади ҳавасмандгардонӣ, тарғиби навҷӯию эҷодкорӣ, баланд бардоштани маҳорати касбӣ, истифодаи таҷрибаи пешқадам эълон гардида буд, ки дар он муассисаҳои зертобеи Вазорати фарҳанг дар шаҳри Душанбе, аз ҷумла, Консерваторияи миллӣ, мактабҳои санъат, коллеҷҳо, донишкадаҳо ширкат варзида, тибқи шартҳои муқараргардида омӯзгор, донишҷӯ ва хонандаи беҳтарини сол муайян шуданд.

Аз рӯи ҷамъбасти озмун Зарина Атоева, муаллимаи калони кафедраи созҳои мусиқии Донишкадаи давлатии фарҳанг ва санъати Тоҷикистон ба номи Мирзо Турсунзода, Нигина Обидова, мудири кафедраи фортепианои тахассусӣ ва созҳои оркестрии Консерваторияи миллии Тоҷикистон ба номи Т. Сатторов, Мизроб Холов, мудири кафедраи мусаввирӣ ва ҳайкалтарошии Донишкадаи давлатии санъати тасвирӣ ва дизайни Тоҷикистон, Моҳбегим Ғафурова омӯзгори фанҳои ҷамъиятии Коллеҷи санъати шаҳри Душанбе ба номи А.Бобоқулов, Татяна Азамова, омӯзгори фанни рақси саҳнавӣ ва классикии шуъбаи рақси муосир ва халқии Коллеҷи ҷумҳуриявии хореографии ба номи М. Собирова, Зафар Абдуллоев омӯзгори шуъбаи «Таълими мусиқӣ»-и Коллеҷи фарҳанги ҷумҳуриявӣ ба номи П. Бӯйдоқов, Раҳим Сафаров, омӯзгори фанни тахассусии Коллеҷи ҷумҳуриявии рассомии ба номи М.Олимов, Осуда Насрудинова, муовини директор оид ба таълими санъати Мактаб- интернати миёнаи махсуси санъати ҷумҳуриявӣ ба номи М.Атоев ва Ванда Макиевская, мудири шуъбаи фортепианои Мактаб-интернати миёнаи махсуси мусиқии ҷуҳуриявӣ ба номи З.Шаҳидӣ муаллими беҳтарини сол дониста шуданд.

Ҳамчунин Камила Сариева, донишҷӯи курси 4-уми факултети санъати тасвирии Донишкадаи давлатии санъати тасвирӣ ва дизайни Тоҷикистон, Суннатулло Саидов, донишҷӯи курси 2-юми шуъбаи актёрии Донишкадаи давлатии фарҳанг ва санъати Тоҷикистон ба номи М. Турсунзода, Зуҳриддин Ахмедов, донишҷӯи курси 4-уми шуъбаи «Созҳои миллӣ»-и Консерваторияи миллии Тоҷикистон ба номи Т. Сатторов, Наим Каримов, донишҷӯи курси 3-юми шуъбаи «Асбобҳои халқӣ»-и Коллеҷи санъати шаҳри Душанбе ба номи А. Бобоқулов, Олимзода Зумрад Вайсиддин, донишҷӯи курси 3-юми ихтисоси «Рассом, рассом-омӯзгор»-и Коллеҷи ҷумҳуриявии рассомӣ ба номи М. Олимов, Назар Сӯҳробӣ, донишҷӯи бахши 2-юми шуъбаи “Рӯзноманигорӣ»-и Коллеҷи фарҳанги ҷумҳуриявӣ ба номи П.Бӯйдоқов, Фараҳноз Сарабекова, донишҷӯи бахши 2-юми шуъбаи рақси классикии Коллеҷи ҷумҳуриявии хореографии ба номи М. Собировва, Идибек Тошев, хонандаи синфи 8-и сози рубоб-примаи Мактаб-интернати миёнаи махсуси санъати ҷумҳуриявӣ ба номи М. Атоев, Зарнисор Набиева, хонандаи синфи 9-и шуъбаи фортепианои Мактаб-интернати миёнаи махсуси мусиқии ҷумҳуриявӣ ба номи З. Шаҳидӣ ғолибони озмуни “Донишҷӯи беҳтарин” ва  “Хонандаи беҳтарин” дар соли 2016 гардиданд.

Ғолибон бо диплом ва тӯҳфаи пулии Вазорати фарҳанги Тоҷикистон қадрдонӣ карда шуданд.


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.