МАОРИФ ВА ИЛМ
Ҷумъа 26 Феврал 2021 03:50
7691
13 январи соли равон дар толори Вазорати маориф ва илми Ҷумҳурии Тоҷикистон даври ҷумҳуриявии озмуни “Омӯзгори соли Тоҷикистон-2020” ҷамъбаст гардид.

Дар озмуни мазкур М. Имомзода, вазири маориф ва илм иштирок карда, иброз дошт, ки вазорат ҳамеша омодааст омӯзгорони пешқадаму навовар ва эҷодкорро дастгирӣ ва меҳнати онҳоро қадрдонӣ намояд. Озмун имкон дод, ки иштирокдорон таҷрибаи педагогии худро муаррифӣ намоянд ва дар дарсҳо маҳорату малакаи хешро нишон диҳанд.

Хотиррасон мекунем, ки оғози озмун 11-уми январи соли равон дар Донишкадаи ҷумҳуриявии такмили ихтисос ва бозомӯзӣ бо иштироки омӯзгороне, ки дар даври ноҳиявӣ ва шаҳрӣ ғолиб шуданд, гузаронида шуд.

Наврӯзбекова Сайлӣ, омӯзгори фанни забони англисии литсейи Оғохони шаҳри Хоруғ, Турсунзода Некрӯз, омӯзгори фанни географияи мактаби Президентии шаҳри Кӯлоб, Ҷалолова Дилором, омӯзгори фанни биология аз муассисаи таълимии махусгардонидашуда барои хонандагони болаёқати ноҳияи Бобоҷон Ғафуров, Зумратов Азизбек, омӯзгори фанни химия аз литсейи №3 барои хонандагони болаёқати шаҳри Душанбе, Холиқов Тоҳирҷон, омӯзгори фанни забони русӣ аз муассисаи таҳсилоти миёнаи умумии №8-и ноҳияи Шаҳринав, аз рӯйи 7 шарт:
Муаррифии таҷрибаи корӣ, баргузор намудани маҷлиси падару модарон, дарси конкурсӣ аз рӯйи ихтисос, таҳлили дарс, доир намудани соати тарбиявӣ, кор бо компютер, ҷавоб додан ба саволҳои пешниҳодшуда ҳунару маҳорат ва донишу малакаи худро пешниҳоди аъзои ҳакамон гардонанд.

Дар рафти ҷамъбасти озмун Манзура Мадатзода – раиси ҳайати ҳакамони озмун изҳор дошт, ки тибқи талаботи низомнома доварон маҳорату малака ва донишу ҷаҳонбинии ҳар як довталабро таҳлил намуда, баҳогузорӣ карданд. Дар баробари ин, иҷрои талаботи ҳар яке аз шартҳо миёни иштирокдорон муҳокима гардида, андешаи онҳо низ аз тарафи ҳайати ҳакамон ба инобат гирифта шуд. Вайсиддин Исмоилов, раиси Кумитаи тадорукоти озмун қайд кард, ки дар давоми 3 рӯз донишу малакаи довталабон аз рӯйи 7 шарт санҷида шуд.

Дар натиҷаи баҳогузорӣ ва хулосаи ҳакамон Азизбек Зумратов, омӯзгори химияи литсейи №3 барои хонандагони болаёқат дар шаҳри Душанбе ғолиби озмуни “Омӯзгори соли Тоҷикистон-2020” дониста шуд. Инчунин, Дилором Ҷалолова, омӯзгори биологияи муассисаи таълимии махсусгардонидашудабарои хонандагони болаёқат дар ноҳияи Бобоҷон Ғафуров ҷойи дуюм, Некрӯз Турсунзода, омӯзгори географияи мактаби Президентӣ дар шаҳри Кӯлоб ва Сайлӣ Наврӯзбекова, омӯзгори забони англисии литсейи Оғохони шаҳри Хорӯғ ҷойҳои сеюмро ба даст оварда, бо туҳфаҳои таъсисдодаи Кумитаи тадорукоти озмун қадрдонӣ гардиданд. Ҳамзамон, Тоҳирҷон Холиқов, омӯзгори забони русии муассисаи таҳсилоти миёнаи умумии №8-и ноҳияи Шаҳринав барои иштироки фаъолона бо Ифтихорномаи Вазорати маориф ва илми Ҷумҳурии Тоҷикистон сарфароз гардид.


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Феврал 2021 c.