МАОРИФ ВА ИЛМ
Сешанбе 10 Феврал 2026 05:37
Дар ҷаҳони имрӯз дур будан аз технология, ки бо суръати кайҳонӣ пеш меравад имконнопазир аст. Ин аст, ки дар доираи татбиқи Стратегияи рушди зеҳни сунъӣ дар Ҷумҳурии Тоҷикистон барои давраи то соли 2040, Сарраёсати маорифи шаҳри Душанбе дар ҳамкорӣ бо Шурои зеҳни сунъии назди Вазорати саноат ва технологияҳои нави Ҷумҳурии Тоҷикистон дар солҳои таҳсили 2025 - 2026 дар як қатор муассисаҳои таълимии кишвар омӯзиши фанни “Асосҳои зеҳни сунъӣ”- ро роҳандозӣ намудааст.
Мо оид ба ҷараёни татбиқи ин иқдом ва натиҷаҳои интизоршаванда, чӣ гуна сурат гирифтани ин дарс ва нақшаҳои минбаъда дар ин самт суҳбате намудем бо директори Муассисаи давлатии Маркази таҳлилӣ - иттилоотии назди Сарраёсати маорифи шаҳри Душанбе Зафар Муродзода.
- Иқдоми роҳандозӣ кардани фанни “Асосҳои зеҳни сунъӣ” дар соли таҳсили 2024-2025 дар 18 муассисаи таълимии пойтахт амалӣ гардид. Дар соли нави таҳсил ин шумора то чанд адад расид ва мактабҳои дигар гӯшаҳои кишварро низ фаро гирифта тавонист?
- Зеҳни сунъӣ ҳамчун падидаи муҳими асри муосир, бо назардошти рушди босуръати илм, техника ва воридшавии технологияҳои пешрафта ба соҳаҳои иҷтимоӣ ва иқтисодӣ аҳамияти махсус пайдо кардааст. Бо дарки ҳамин зарурат, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар суханронии худ бахшида ба Рӯзи дониш таъкид намуданд, ки асри мо асри илму дониш, кашфиёту технологияҳои нав ва пешрафти миллатҳои донишманд аст. Дар асоси ин ҳидоятҳо, Сарраёсати маорифи шаҳри Душанбе дар ҳамкорӣ бо Шурои зеҳни сунъии назди Вазорати саноат ва технологияҳои нави Ҷумҳурии Тоҷикистон, ҷиҳати татбиқи Стратегияи рушди зеҳни сунъӣ барои давраи то соли 2040, омӯзиши фанни зеҳни сунъиро дар соли таҳсили 2025-2026 роҳандозӣ намуд. Омӯзиши мазкур дар доираи иҷрои банди 3.1 - и нақшаи амали Стратегия ва бо мақсади ҷорӣ намудани фанни “Асосҳои зеҳни сунъӣ” дар муассисаҳои таҳсилоти умумӣ амалӣ мегардад.
Албатта, дар соли таҳсили 2024 - 2025 ин фан ба таври озмоишӣ дар 18 муассисаи таълимии шаҳри Душанбе оғоз ёфта буд. Аз моҳи сентябри соли 2025 шумораи онҳо то 60 мактаб дар пойтахт ва то 100 муассиса дар саросари кишвар расонида шуд. Интихоби мактабҳо бо назардошти омодагии инфрасохторӣ ва мувофиқаи Сарраёсати маориф бо Шурои зеҳни сунъӣ сурат гирифт.
- Албатта, ҷорӣ намудани дарси зеҳни сунъӣ дар муассисаҳои таълимӣ яке аз талаботҳои замони муосир аст, аммо оё дар раванди амалӣ намудани он муассисаҳо бо мушкилиҳо рӯ ба рӯ мешаванд ва умуман ҳафтае чанд соат дарс муқаррар гардидааст?
- Аз моҳи сентябри соли равон дар 60 муассисаи таҳсилоти миёнаи умумии шаҳри Душанбе дарсҳои зеҳни сунъӣ оғоз гардидаанд. Айни ҳол раванди омӯзиш бомуваффақият ҷараён дошта, ягон мушкили ҷиддӣ мушоҳида нашудааст. Барои ба роҳ мондани дарсҳои зеҳни сунъӣ гурӯҳи корӣ аз ҳисоби намояндагони Муассисаи давлатии “Маркази таҳлилӣ - иттилоотӣ” ва Шурои зеҳни сунъӣ таъсис дода шуда, бо роҳбарони муассисаҳои таълимӣ вохӯриҳо анҷом дода шуданд. Машғулиятҳои фанни “Асосҳои зеҳни сунъӣ” ҳамчун таълими иловагӣ, берун аз соатҳои дарсӣ баргузор мешаванд. Дарсҳо ҳафтае як маротиба гузаронида шуда, дар он хонандагони синфҳои 10 ҷалб карда мешаванд.
- Барои таълими фанни “Асосҳои зеҳни сунъӣ” чӣ гуна омӯзгорон ҷалб мешаванд ва пардохти маоши онҳо аз ҳисоби кадом ниҳод мебошад?
- Омӯзгорони фан аз ҷониби Шурои зеҳни сунъии назди Вазорати саноат ва технологияҳои нави Ҷумҳурии Тоҷикистон пешниҳод шуда, маоши онҳо низ аз ҳамин ниҳод пардохт мегардад. Маркази таҳлилӣ - иттилоотии назди Сарраёсати маориф бо ҳамоҳангии Шурои зеҳни сунъӣ ва КВД “Шаҳри ҳушманд (Smart city)”-и Мақомоти иҷроияи ҳокимияти давлатии шаҳри Душанбе барномаҳои намунавии таълимиро таҳия кардааст. Ҳамзамон, дар назди Маркази таҳлилӣ - иттилоотии назди Сарраёсати маориф курсҳои омӯзишӣ барои омӯзгорони фанни технологияҳои иттилоотӣ таъсис дода мешаванд, то кадрҳои маҳаллӣ барои таълими зеҳни сунъӣ омода гарданд. Дар оянда омӯзгорони муассисаҳои таълимӣ низ ба ин раванд ҷалб хоҳанд шуд.
- То кадом андоза хонандагон ба омӯзиши ин фан таваҷҷуҳ доранд ва дар ҷараёни дарс аз кадом усулҳои таълимӣ истифода мешавад?
- Омӯзиши зеҳни сунъӣ дар муассисаҳои таълимии шаҳри Душанбе бо шавқу завқи хонандагон ҷараён дорад. Таваҷҷуҳи хонандагон ба омӯзиши дарси “Асосҳои зеҳни сунъӣ" хеле зиёд аст ва сабабҳои аслии ин равандро метавон дар аҳамияти рӯзафзуни технологияҳои рақамӣ, талаботи бозори меҳнат ва рушди бесобиқаи соҳаҳои вобаста ба зеҳни сунъӣ ҷустуҷӯ кард. Ин фан на танҳо ба таҳқиқоти илмӣ, балки ба соҳаҳои амалӣ, мисли тандурустӣ, нақлиёт, савдо ва омӯзиш иртиботи мустақим дорад. Хонандагон имрӯз хуб дарк мекунанд, ки дониши ин соҳа имкони бештари шуғл ва рушди касбиро фароҳам меорад. Дар ҷараёни таълими “Асосҳои зеҳни сунъӣ” усулҳои гуногун ва муосири омӯзишӣ ба кор бурда мешаванд, аз ҷумла усулҳои интерактивӣ, ки иштироки фаъолонаи хонандагонро дар муҳокимаҳо ва ҳаллу фасли масъалаҳо дар гурӯҳ таъмин менамояд; усулҳои амалгароёна (project-based learning), ки тавассути иҷрои лоиҳаҳо ва тарҳҳо хонандагон малакаҳои амалӣ касб мекунанд; таҳлили ҳолатҳои воқеӣ, ки тавассути омӯзиши масъалаҳои мушаххаси риёзӣ ва техникӣ, дониши назариявӣ мустаҳкам карда мешавад ва ғайра. Ҳамин гуна усулҳои интерактивӣ ва таҷрибавӣ сабаб мешаванд, ки хонандагон зеҳни сунъиро на танҳо ҳамчун фан, балки ҳамчун василаи таҳлил, инноватсия ва ҳалли масъалаҳои воқеӣ дарк кунанд. Ҳамчунин, зеҳни сунъӣ ба хонандагон имкон медиҳад, ки малакаҳои таҳлилӣ ва амалиро аз қабили автоматикунонӣ, таҳлили маълумот ва моделсозӣ аз худ намоянд. Онҳо бо истифода аз алгоритмҳо ва моделҳои омӯзиши мошинӣ метавонанд масъалаҳои мураккабро ҳал намуда, натиҷаҳоро таҳлил ва пешгӯӣ кунанд. Ин раванд тафаккури таҳлилӣ, қобилияти хулосабарорӣ ва истифодаи самараноки маълумотро тақвият дода, барои таҳкими донишҳои рақамӣ ва фаҳмиши алгоритмҳо заминаи устувор мегузорад.
- Оё барномаи дарсӣ ба талаботи ҷаҳони имрӯз мутобиқат дорад ва муассисаҳо бо марказҳои илмӣ ё ширкатҳои технологӣ ҳамкорӣ доранд?
- Бале, барномаи таълимии омӯзиши "Асосҳои зеҳни сунъӣ" дар муассисаҳои таҳсилоти умумии шаҳри Душанбе бо назардошти талаботи замони муосир таҳия ва такмил дода шудааст. Мавзуъҳои асосии барнома аз омӯзиши алгоритмҳои омӯзиши мошинӣ (Machine Learning), шабакаҳои нейронӣ ва омӯзиши амиқ (Deep Learning), таҳлили додаҳо (Big Data), барномасозӣ ва кор бо маълумот, этика ва масоили ҳуқуқии зеҳни сунъӣ ва истифодаи зеҳни сунъӣ дар соҳаҳои гуногун мебошад. Ин ҳамкорӣ дар шаклҳои гузаронидани семинарҳо ва мастер - классҳо аз тарафи мутахассисони соҳа, таҳия ва татбиқи лоиҳаҳои муштарак бо марказҳои илмӣ ва пажӯҳишгоҳҳо, дастрасӣ ба таҷҳизоти муосир ва маълумоти озмоишӣ барои омӯзиш ва ҷалби хонандагон ба озмунҳо дар соҳаи зеҳни сунъӣ ҷалб карда мешавад. Ин равандҳо имкон медиҳад, ки таҳсилот бо талаботи бозори ҷаҳонӣ ва рушди доимии технологияҳо ҳамқадам бошад.
- Чуноне дар боло зикр кардем, дарси “Асосҳои зеҳни сунъӣ” дар доираи татбиқи Стратегияи рушди зеҳни сунъӣ дар Ҷумҳурии Тоҷикистон то соли 2040 роҳандозӣ шудааст. Тибқи нақша, қарор аст то кадом вақт ин фан дар ҳамаи мактабҳои пойтахт ҷорӣ гардад?
- Дар марҳилаи аввал (солҳои 2023–2025) ворид кардани омӯзиши зеҳни сунъӣ ба муассисаҳои таълимӣ пешбинӣ шуд. Дар ин замина, тадриҷан ин фан дар тамоми муассисаҳои таълимии ҷумҳурӣ, аз ҷумла дар мактабҳои пойтахт ҷорӣ мегардад. То соли 2026 таъсиси кафедраҳо ва факултетҳои зеҳни сунъӣ дар на камтар аз 7 муассисаи таҳсилоти олии касбӣ низ дар назар аст. Бинобар ин, тибқи нақша дарсҳои мазкур марҳила ба марҳила дар тамоми муассисаҳои таълимии ҷумҳурӣ, аз ҷумла муассисаҳои пойтахт ҷорӣ хоҳанд шуд.
- Аз ҷорӣ намудани ин фан дар мактабҳо ба чӣ натиҷаҳо расидаед ва барои оянда чӣ интизориҳо вуҷуд доранд?
- Барои бедор кардани шавқи хонандагон ба омӯзиши зеҳни сунъӣ аз усулҳои амалӣ ва интерактивӣ истифода мешавад. Дар ҷараёни дарсҳо ба хонандагон модели забонии миллӣ - SoroLLM омӯзонида мешавад, ки дар доираи лоиҳаи миллии “Соро” ҷиҳати ворид кардани зеҳни сунъӣ ба барномаҳои таълимӣ таҳия шудааст. Ин модел тавассути барномаи электронии “eDonish” ва бо дастгирии “Шаҳри ҳушманд (Smart city)”- и Мақомоти иҷроияи ҳокимияти давлатии шаҳри Душанбе ба хонандагон ва омӯзгорон пешниҳод мегардад. Илова бар ин, чорабиниҳои гуногун барои тақвияти шавқ ва ҳавасмандии хонандагон баргузор мешаванд. Ногуфта намонад, ки дар платформаи “eTalim”, ки аз ҷониби Муассисаи давлатии “Маркази таҳлилӣ - иттилоотии назди Сарраёсати маорифи шаҳри Душанбе” таъсис дода шудааст, дарсҳои видеоӣ, маводҳо барои мустақилона омӯхтан дар ҳолати анҷомёбӣ қарор дорад ва рӯзҳои наздик пешниҳоди хонандагон мегардад.
Малика МУҚАДАМОВА, “ҶТ”
Мо оид ба ҷараёни татбиқи ин иқдом ва натиҷаҳои интизоршаванда, чӣ гуна сурат гирифтани ин дарс ва нақшаҳои минбаъда дар ин самт суҳбате намудем бо директори Муассисаи давлатии Маркази таҳлилӣ - иттилоотии назди Сарраёсати маорифи шаҳри Душанбе Зафар Муродзода.
- Иқдоми роҳандозӣ кардани фанни “Асосҳои зеҳни сунъӣ” дар соли таҳсили 2024-2025 дар 18 муассисаи таълимии пойтахт амалӣ гардид. Дар соли нави таҳсил ин шумора то чанд адад расид ва мактабҳои дигар гӯшаҳои кишварро низ фаро гирифта тавонист?
- Зеҳни сунъӣ ҳамчун падидаи муҳими асри муосир, бо назардошти рушди босуръати илм, техника ва воридшавии технологияҳои пешрафта ба соҳаҳои иҷтимоӣ ва иқтисодӣ аҳамияти махсус пайдо кардааст. Бо дарки ҳамин зарурат, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар суханронии худ бахшида ба Рӯзи дониш таъкид намуданд, ки асри мо асри илму дониш, кашфиёту технологияҳои нав ва пешрафти миллатҳои донишманд аст. Дар асоси ин ҳидоятҳо, Сарраёсати маорифи шаҳри Душанбе дар ҳамкорӣ бо Шурои зеҳни сунъии назди Вазорати саноат ва технологияҳои нави Ҷумҳурии Тоҷикистон, ҷиҳати татбиқи Стратегияи рушди зеҳни сунъӣ барои давраи то соли 2040, омӯзиши фанни зеҳни сунъиро дар соли таҳсили 2025-2026 роҳандозӣ намуд. Омӯзиши мазкур дар доираи иҷрои банди 3.1 - и нақшаи амали Стратегия ва бо мақсади ҷорӣ намудани фанни “Асосҳои зеҳни сунъӣ” дар муассисаҳои таҳсилоти умумӣ амалӣ мегардад.
Албатта, дар соли таҳсили 2024 - 2025 ин фан ба таври озмоишӣ дар 18 муассисаи таълимии шаҳри Душанбе оғоз ёфта буд. Аз моҳи сентябри соли 2025 шумораи онҳо то 60 мактаб дар пойтахт ва то 100 муассиса дар саросари кишвар расонида шуд. Интихоби мактабҳо бо назардошти омодагии инфрасохторӣ ва мувофиқаи Сарраёсати маориф бо Шурои зеҳни сунъӣ сурат гирифт.
- Албатта, ҷорӣ намудани дарси зеҳни сунъӣ дар муассисаҳои таълимӣ яке аз талаботҳои замони муосир аст, аммо оё дар раванди амалӣ намудани он муассисаҳо бо мушкилиҳо рӯ ба рӯ мешаванд ва умуман ҳафтае чанд соат дарс муқаррар гардидааст?
- Аз моҳи сентябри соли равон дар 60 муассисаи таҳсилоти миёнаи умумии шаҳри Душанбе дарсҳои зеҳни сунъӣ оғоз гардидаанд. Айни ҳол раванди омӯзиш бомуваффақият ҷараён дошта, ягон мушкили ҷиддӣ мушоҳида нашудааст. Барои ба роҳ мондани дарсҳои зеҳни сунъӣ гурӯҳи корӣ аз ҳисоби намояндагони Муассисаи давлатии “Маркази таҳлилӣ - иттилоотӣ” ва Шурои зеҳни сунъӣ таъсис дода шуда, бо роҳбарони муассисаҳои таълимӣ вохӯриҳо анҷом дода шуданд. Машғулиятҳои фанни “Асосҳои зеҳни сунъӣ” ҳамчун таълими иловагӣ, берун аз соатҳои дарсӣ баргузор мешаванд. Дарсҳо ҳафтае як маротиба гузаронида шуда, дар он хонандагони синфҳои 10 ҷалб карда мешаванд.
- Барои таълими фанни “Асосҳои зеҳни сунъӣ” чӣ гуна омӯзгорон ҷалб мешаванд ва пардохти маоши онҳо аз ҳисоби кадом ниҳод мебошад?
- Омӯзгорони фан аз ҷониби Шурои зеҳни сунъии назди Вазорати саноат ва технологияҳои нави Ҷумҳурии Тоҷикистон пешниҳод шуда, маоши онҳо низ аз ҳамин ниҳод пардохт мегардад. Маркази таҳлилӣ - иттилоотии назди Сарраёсати маориф бо ҳамоҳангии Шурои зеҳни сунъӣ ва КВД “Шаҳри ҳушманд (Smart city)”-и Мақомоти иҷроияи ҳокимияти давлатии шаҳри Душанбе барномаҳои намунавии таълимиро таҳия кардааст. Ҳамзамон, дар назди Маркази таҳлилӣ - иттилоотии назди Сарраёсати маориф курсҳои омӯзишӣ барои омӯзгорони фанни технологияҳои иттилоотӣ таъсис дода мешаванд, то кадрҳои маҳаллӣ барои таълими зеҳни сунъӣ омода гарданд. Дар оянда омӯзгорони муассисаҳои таълимӣ низ ба ин раванд ҷалб хоҳанд шуд.
- То кадом андоза хонандагон ба омӯзиши ин фан таваҷҷуҳ доранд ва дар ҷараёни дарс аз кадом усулҳои таълимӣ истифода мешавад?
- Омӯзиши зеҳни сунъӣ дар муассисаҳои таълимии шаҳри Душанбе бо шавқу завқи хонандагон ҷараён дорад. Таваҷҷуҳи хонандагон ба омӯзиши дарси “Асосҳои зеҳни сунъӣ" хеле зиёд аст ва сабабҳои аслии ин равандро метавон дар аҳамияти рӯзафзуни технологияҳои рақамӣ, талаботи бозори меҳнат ва рушди бесобиқаи соҳаҳои вобаста ба зеҳни сунъӣ ҷустуҷӯ кард. Ин фан на танҳо ба таҳқиқоти илмӣ, балки ба соҳаҳои амалӣ, мисли тандурустӣ, нақлиёт, савдо ва омӯзиш иртиботи мустақим дорад. Хонандагон имрӯз хуб дарк мекунанд, ки дониши ин соҳа имкони бештари шуғл ва рушди касбиро фароҳам меорад. Дар ҷараёни таълими “Асосҳои зеҳни сунъӣ” усулҳои гуногун ва муосири омӯзишӣ ба кор бурда мешаванд, аз ҷумла усулҳои интерактивӣ, ки иштироки фаъолонаи хонандагонро дар муҳокимаҳо ва ҳаллу фасли масъалаҳо дар гурӯҳ таъмин менамояд; усулҳои амалгароёна (project-based learning), ки тавассути иҷрои лоиҳаҳо ва тарҳҳо хонандагон малакаҳои амалӣ касб мекунанд; таҳлили ҳолатҳои воқеӣ, ки тавассути омӯзиши масъалаҳои мушаххаси риёзӣ ва техникӣ, дониши назариявӣ мустаҳкам карда мешавад ва ғайра. Ҳамин гуна усулҳои интерактивӣ ва таҷрибавӣ сабаб мешаванд, ки хонандагон зеҳни сунъиро на танҳо ҳамчун фан, балки ҳамчун василаи таҳлил, инноватсия ва ҳалли масъалаҳои воқеӣ дарк кунанд. Ҳамчунин, зеҳни сунъӣ ба хонандагон имкон медиҳад, ки малакаҳои таҳлилӣ ва амалиро аз қабили автоматикунонӣ, таҳлили маълумот ва моделсозӣ аз худ намоянд. Онҳо бо истифода аз алгоритмҳо ва моделҳои омӯзиши мошинӣ метавонанд масъалаҳои мураккабро ҳал намуда, натиҷаҳоро таҳлил ва пешгӯӣ кунанд. Ин раванд тафаккури таҳлилӣ, қобилияти хулосабарорӣ ва истифодаи самараноки маълумотро тақвият дода, барои таҳкими донишҳои рақамӣ ва фаҳмиши алгоритмҳо заминаи устувор мегузорад.
- Оё барномаи дарсӣ ба талаботи ҷаҳони имрӯз мутобиқат дорад ва муассисаҳо бо марказҳои илмӣ ё ширкатҳои технологӣ ҳамкорӣ доранд?
- Бале, барномаи таълимии омӯзиши "Асосҳои зеҳни сунъӣ" дар муассисаҳои таҳсилоти умумии шаҳри Душанбе бо назардошти талаботи замони муосир таҳия ва такмил дода шудааст. Мавзуъҳои асосии барнома аз омӯзиши алгоритмҳои омӯзиши мошинӣ (Machine Learning), шабакаҳои нейронӣ ва омӯзиши амиқ (Deep Learning), таҳлили додаҳо (Big Data), барномасозӣ ва кор бо маълумот, этика ва масоили ҳуқуқии зеҳни сунъӣ ва истифодаи зеҳни сунъӣ дар соҳаҳои гуногун мебошад. Ин ҳамкорӣ дар шаклҳои гузаронидани семинарҳо ва мастер - классҳо аз тарафи мутахассисони соҳа, таҳия ва татбиқи лоиҳаҳои муштарак бо марказҳои илмӣ ва пажӯҳишгоҳҳо, дастрасӣ ба таҷҳизоти муосир ва маълумоти озмоишӣ барои омӯзиш ва ҷалби хонандагон ба озмунҳо дар соҳаи зеҳни сунъӣ ҷалб карда мешавад. Ин равандҳо имкон медиҳад, ки таҳсилот бо талаботи бозори ҷаҳонӣ ва рушди доимии технологияҳо ҳамқадам бошад.
- Чуноне дар боло зикр кардем, дарси “Асосҳои зеҳни сунъӣ” дар доираи татбиқи Стратегияи рушди зеҳни сунъӣ дар Ҷумҳурии Тоҷикистон то соли 2040 роҳандозӣ шудааст. Тибқи нақша, қарор аст то кадом вақт ин фан дар ҳамаи мактабҳои пойтахт ҷорӣ гардад?
- Дар марҳилаи аввал (солҳои 2023–2025) ворид кардани омӯзиши зеҳни сунъӣ ба муассисаҳои таълимӣ пешбинӣ шуд. Дар ин замина, тадриҷан ин фан дар тамоми муассисаҳои таълимии ҷумҳурӣ, аз ҷумла дар мактабҳои пойтахт ҷорӣ мегардад. То соли 2026 таъсиси кафедраҳо ва факултетҳои зеҳни сунъӣ дар на камтар аз 7 муассисаи таҳсилоти олии касбӣ низ дар назар аст. Бинобар ин, тибқи нақша дарсҳои мазкур марҳила ба марҳила дар тамоми муассисаҳои таълимии ҷумҳурӣ, аз ҷумла муассисаҳои пойтахт ҷорӣ хоҳанд шуд.
- Аз ҷорӣ намудани ин фан дар мактабҳо ба чӣ натиҷаҳо расидаед ва барои оянда чӣ интизориҳо вуҷуд доранд?
- Барои бедор кардани шавқи хонандагон ба омӯзиши зеҳни сунъӣ аз усулҳои амалӣ ва интерактивӣ истифода мешавад. Дар ҷараёни дарсҳо ба хонандагон модели забонии миллӣ - SoroLLM омӯзонида мешавад, ки дар доираи лоиҳаи миллии “Соро” ҷиҳати ворид кардани зеҳни сунъӣ ба барномаҳои таълимӣ таҳия шудааст. Ин модел тавассути барномаи электронии “eDonish” ва бо дастгирии “Шаҳри ҳушманд (Smart city)”- и Мақомоти иҷроияи ҳокимияти давлатии шаҳри Душанбе ба хонандагон ва омӯзгорон пешниҳод мегардад. Илова бар ин, чорабиниҳои гуногун барои тақвияти шавқ ва ҳавасмандии хонандагон баргузор мешаванд. Ногуфта намонад, ки дар платформаи “eTalim”, ки аз ҷониби Муассисаи давлатии “Маркази таҳлилӣ - иттилоотии назди Сарраёсати маорифи шаҳри Душанбе” таъсис дода шудааст, дарсҳои видеоӣ, маводҳо барои мустақилона омӯхтан дар ҳолати анҷомёбӣ қарор дорад ва рӯзҳои наздик пешниҳоди хонандагон мегардад.
Малика МУҚАДАМОВА, “ҶТ”
Хабарҳои дигар
Рӯзнома
Эзоҳи худро нависед