МАОРИФ ВА ИЛМ
Ҷумъа 10 Июл 2020 02:37
1882
11 ноябар дар факултети журналистикаи Донишгоҳи миллии Тоҷикистон бо иштироки садорати факултет ва устодону донишҷӯён рӯнамоии се китоб доир ба фаъолият ва хизматҳои Асосгузори сулҳу ваҳдати миллӣ, Пешвои миллат, Президенти кишвар, муҳтарам Эмомалӣ Раҳмон баргузор шуд.

Китобҳои “Пешвои миллат” (муратибон Вакилони Маҷлиси намояндагони Маҷлиси Олии Ҷумуҳурии Тоҷикистон Ҷамшед Мирзоқулов ва Ҳакимҷон Холиқов),“Пешвои миллат дар шинохти миллӣ”(муратиб Зиёрат Киромзода) ва “Эмомалӣ Раҳмон дар оинаи замон” (дар ҳаммуаллифии Воҳид Ғаффорӣ ва Зафар Сайидзод) аз китобҳои тозанашре буданд, ки муаррифӣ гардиданд.

Устодони факултет доир ба муҳтаво, мазмун ва аҳамияти нашри ин китобҳо андешаҳои худро баён намуданд.

Саъди-Маҳдӣ.gif

Китоби “Пешвои миллат дар шинохти миллӣ” бо ибтикори Зиёрат Каромзода, донишҷӯйи курси 2-юми факултети журналистика мураттаб шудааст. Дар он як навъ муҳаббатномаи олимону муҳаққиқон, сиёсатмадорон ва намояндагони аҳли илму маорифи кишвар оид ба Сарвари давлат, муҳтарам Эмомалӣ Раҳмон гирд оварда шудааст.

Китоби мазкур аз се бахш иборат буда, дар бахши аввал иқтибосҳои аз суханронии вакилони МНМО ҶТ ҷиҳати қабули Қонун “Дар бораи Асосгузори сулҳу Ваҳдати миллӣ – Пешвои миллат”, бахши дуввум ақидаҳои олимону мутахассисони риштаҳои гуногуни илм оид ба хидматҳову дастгириҳои Пешвои миллат дар самтҳои гуногуни фаолияти кишвар ва бахши сеюм бошад, порчаҳои шеърии адибон дар васфи Сарвари кишварро дар бар мегирад. Ҳамзамон чанд акси Пешвои миллат низ гирдоварӣ шудааст.

Китоби “Эмомалӣ Раҳмон дар оинаи замон”и Воҳид Ғаффорӣ ва Зафар Сайидзод осори тайи солҳои гузашта дар ҳамкорӣ навиштаи муаллифонро роҷеъ ба ҷанбаҳои гуногуни фаолияти сиёсати Президенти кишвар, муҳтарам Эмомалӣ Раҳмон дар бар мегирад. Маҷмӯа ба хонанда имкон медиҳад, ки дирӯз ва имрӯзи кишварро ба ҳам муқоиса кунад ва роҳи тайкардаи мамлакат ва дигаргуниҳои кулии онро дар давраи пас аз Иҷлоисияи таърихии VXI Шӯрои Олии Ҷумҳурии Тоҷикистон бавуқӯъпайвастаро чун дар оина мушоҳида намояд.

Китоби “Пешвои миллат”-ро гурӯҳи муаллифон бо се забон-тоҷикӣ, русӣ ва англисӣ аз чоп бароварданд.

Дар охири чорабинӣ чанд нусха аз китобҳои мазкур ба китобхонаи “Ганҷина”-и В.Асрории факултети журналистика тақдим карда шуданд.

Китобҳои-П,М,.gif

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.