МАОРИФ ВА ИЛМ
Шанбе 25 Май 2024 09:28
7769
Донишгоҳи славянии Русияву Тоҷикистон дар даврони пандемияи COVID-19 ягон донишҷӯи хориҷиро ихроҷ накардааст. Дар ин бора, ректори донишгоҳи мазкур Хоҷазода Тоҳир Абдулло рӯзи 5-уми феврал зимни нишасти хабарӣ иттилоъ дод.

- Он донишҷӯёни хориҷие, ки то ин давра дар донишгоҳи мо таҳсил мекарданд, бо супориши бевоситаи вазири маориф мо то имрӯз ягонтои онҳоро хориҷ накардем. Бо бисёри онҳо дар алоқа баромадем. Имрӯз мо кӯшиш карда истодаем, ки дарсҳои фосилавиро ба роҳ монем ва дар ин самт кор карда истоаем, -гуфт Хоҷазода.
Ҳамзамон ректор қайд намуд, ки донишгоҳ ба вазъияти пандемия нигоҳ накарда, донишҷӯёни хориҷиро низ тариқи онлайнӣ барои таҳсил фаро гирифтааст.

- Имсол барои натанҳо соҳаи маориф, балки ба тамоми сохторҳо ва на ин ки ба Ҷумҳурии Тоҷикистон, балки ба тамомои давлатҳои дунё пандемияи COVID-19 таъсири худро расонд. Вале ба ин беморӣ нигоҳ накарда, имсол мо дар соли хониши нав 51 нафарро дар шӯъбаи ғоибона барои таҳсил қабул кардем. Ҳуҷҷати бештари онҳоро ба воситаи онлайн қабул намудем,-илова намуд ректор.

Гуфта шуд, ки дар донишгоҳ соли гузашта 504 донишҷӯёни хориҷӣ таҳсил мекарданд, вале бо сабаби СOVID-19 шумораи онҳо имрӯз то ба 389 нафар омада расидааст. Чун 115 нафари онҳо ба донишгоҳҳои кишварҳои худ роҳхат гирифтаанд. Дар Донишгоҳи славянии Русияву Тоҷикистон аз 9 кишвари ҷаҳон донишҷӯёни хориҷӣ таҳсил мекунанд.

Эзоҳи худро нависед



Рамзҳо дар расм