МАОРИФ ВА ИЛМ
Якшанбе 08 Сентябр 2024 04:48
![858](/upload/iblock/c77/%D0%BA%D0%BE%D0%BD%D1%84%D1%80%D0%BE%D0%BD%D1%81.jpg)
Имрӯз, 29 апрел, дар Донишгоҳи давлатии тиббии Тоҷикистон ба номи Абӯалӣ ибни Сино бахшида ба 25-солагии Истиқлолияти давлатии ҷумҳурӣ дар мавзӯи “Илми тиб: дастовардҳо ва дурнамо” конференсияи илмӣ-амалии олимони ҷавон ва донишҷӯён бо иштироки меҳмонони ватанию хориҷӣ баргузор гардид.
Ректори донишгоҳ М. Гулзода қайд намуд, ки солҳои охир нақши ҷавонон дар пешбурди корҳои илмӣ дар донишгоҳ ва берун аз он вусъати тоза пайдо мекунад. Конференсияи имсола низ далели он аст, ки масъалаҳои мубрам дар соҳаи тиб диққати олимони ҷавону донишҷӯёни донишгоҳро аз ҳарвақта дида бештар ҷалб менамояд. Чунончӣ, шумораи маърӯзаҳои илмии конференсия аз 49 адади соли 2010 имсол ба 350, мақолаҳои илмӣ бошад, то 950 адад расидааст. Доираи дарбаргирии мавзӯъҳои конференсия ва самти кори он низ васеътар гардида, ҷаласаҳои сексионӣ аз 3 то ба 14 расидааст, ки дар онҳо доир ба масъалаҳои мубрами соҳа, аз қабили кардиология, ҷарроҳӣ, тибби назариявӣ, стоматология, физиология, педиатрия ва ғайраҳо баррасӣ ва муҳокима мегарданд.
Дар кори конференсия намояндагони 7 давлати хориҷӣ иштирок намуданд. Аз ҷумла намояндагон аз 4 давлат маърӯза карданд.
Зикр гардид, ки солҳои охир ба роҳ мондани мактаби мураббигӣ дар ДДТТ сарпарастии олимони ҷавон ва донишҷӯёни эҷодкорро аз тарафи устодони варзидаи ин даргоҳи муқаддаси илмӣ мустаҳкам намуд. Олимони ҷавон акнун метавонанд дар самти дилхоҳи соҳа дар паҳлуи устодони соҳибтаҷрибаи худ истода, қадамҳои аввалини хешро дар ин роҳи душвори боэътимоду ҳадафманд гузоранд.
Бо хушнудӣ гуфта шуд, ки тайи чанд соли охир таваҷҷуҳи олимони ҷавон ба корҳои илмию тадқиқотӣ зиёд ва шумораи онҳо дар ин роҳи заҳматталабу пуршараф бештар мегардад.
Ректори донишгоҳ М. Гулзода қайд намуд, ки солҳои охир нақши ҷавонон дар пешбурди корҳои илмӣ дар донишгоҳ ва берун аз он вусъати тоза пайдо мекунад. Конференсияи имсола низ далели он аст, ки масъалаҳои мубрам дар соҳаи тиб диққати олимони ҷавону донишҷӯёни донишгоҳро аз ҳарвақта дида бештар ҷалб менамояд. Чунончӣ, шумораи маърӯзаҳои илмии конференсия аз 49 адади соли 2010 имсол ба 350, мақолаҳои илмӣ бошад, то 950 адад расидааст. Доираи дарбаргирии мавзӯъҳои конференсия ва самти кори он низ васеътар гардида, ҷаласаҳои сексионӣ аз 3 то ба 14 расидааст, ки дар онҳо доир ба масъалаҳои мубрами соҳа, аз қабили кардиология, ҷарроҳӣ, тибби назариявӣ, стоматология, физиология, педиатрия ва ғайраҳо баррасӣ ва муҳокима мегарданд.
Дар кори конференсия намояндагони 7 давлати хориҷӣ иштирок намуданд. Аз ҷумла намояндагон аз 4 давлат маърӯза карданд.
Зикр гардид, ки солҳои охир ба роҳ мондани мактаби мураббигӣ дар ДДТТ сарпарастии олимони ҷавон ва донишҷӯёни эҷодкорро аз тарафи устодони варзидаи ин даргоҳи муқаддаси илмӣ мустаҳкам намуд. Олимони ҷавон акнун метавонанд дар самти дилхоҳи соҳа дар паҳлуи устодони соҳибтаҷрибаи худ истода, қадамҳои аввалини хешро дар ин роҳи душвори боэътимоду ҳадафманд гузоранд.
Бо хушнудӣ гуфта шуд, ки тайи чанд соли охир таваҷҷуҳи олимони ҷавон ба корҳои илмию тадқиқотӣ зиёд ва шумораи онҳо дар ин роҳи заҳматталабу пуршараф бештар мегардад.
Эзоҳи худро нависед