12 июл аз фаъолияти нимсолаи аввали Раёсати маорифи вилояти Суғд натиҷагирӣ карда шуд, ки дар он муовини раиси вилоят Назира Ғаффорӣ ва  мудирони шуъбаҳои маорифи шаҳру ноҳияҳо иштирок намуданд.

Дар ҷаласа бурду бохти соҳаи маорифи вилоят аз тарафи мудири шуъбаи Хадамоти давтлатии назорат дар соҳаи маориф Абдураҳим Қурбонов  ба саъми ҳозирин расонида шуд.

Зимни ҷаласа мутахассисон дар бораи норасоиҳову мушкилоти соҳа, таъминот бо китобҳои дарсӣ махсусан дар мактабҳои таҳсилашон бо забони ғайритоҷикӣ, таъминот бо мизу курсӣ, ташкили кабинетҳои фаннию ташхисгоҳҳо, таъмири компютерҳои корношоям, набудани биноҳои алоҳида барои марказҳои дарёфт ва рушди истеъдодҳо  суханронӣ намуданд.

Н. Ғаффорӣ зимни сухаронӣ диққати ҳозиринро ба кам шудани шумораи ғолибони олимпиадаҳои ҷумҳуриявӣ аз вилоят дар се соли охир ҷалб намуд.

Дар анҷоми ҷаласа сардори Раёсати маорифи вилояти Суғд Осим Каримзода оид ба беҳтар намудани фаъолияти минбаъдаи соҳа дар назди сардорони раёсат ва мудирони шуъбаҳои маориф вазифаҳои мушаххас гузошт.