ё бардоштҳо аз Рӯзи дониш

Сулҳу субот амнияти ҷомеаро таъмин карда, барои рушди ҳамаи соҳаҳои стратегии кишвар, аз ҷумла соҳаҳои илму маориф фазои созгорро муҳайё месозад.

Дар робита бо ин, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имсол низ дар Рӯзи дониш дар ифтитоҳи муассисаи таҳсилоти миёнаи умумии 102-и ноҳияи Шоҳмансури шаҳри Душанбе ширкат варзиданд. Пешвои миллат зимни ифтитоҳи суханронӣ қайд намуданд, ки ин туҳфаи гаронбаҳои Ҳукумати Ҷумҳурии Тоҷикистон бахшида ба таҷлили Рӯзи дониш буда, месазад, ки насли наврас бо камоли масъулият ва ҳисси баланди ватандӯстию худшиносӣ барномаҳои таълимиро аз бар карда, дорои дониши мукаммали замонавӣ гарданд. Омӯзгорон бошанд, дар тайёр кардани хонандагони болаёқат ва соҳибистеъдод таваҷҷуҳи бештар зоҳир намоянд.

Инчунин Пешвои миллат суханронии худро аз сулҳу осоиштагӣ оғоз бахшида, онро ҳамчун неъмати бебаҳо арзёбӣ намуданд. Пешвои миллат иброз доштанд: “…мардуми мо сулҳу оромӣ ва суботи сиёсиро бо баҳои ниҳоят гарон ва бо таҳаммул кардани машаққату маҳрумиятҳои ҷанги таҳмилии шаҳрвандӣ ба даст оварданд”.

Дигар паҳлӯи суханронии Президенти кишварро масъалаи пештар оғоз бахшидани соли таҳсил, ки бо сабаби авҷи бемории пандемия барвақт ба таълил фаро гирифтани хонандагону донишҷӯён ва омӯзгорон дар бар гирифтааст, ташкил медиҳад, ки бесабаб нест. Ҳадафи асосӣ сиҳату солим нигоҳ доштани ин қишри асосии ҷомеа мебошад. Ин ибтикор шоистаи дастгирӣ ва аз кӯшишҳои инсонпарваронаи Пешвои миллат мебошад, ки имрӯз баръало мушоҳида мешавад.

Дар тақвияти ин гуфта, Президенти кишвар ироа доштанд, ки ҳукумати мамлакат тавассути саъю талошҳо муваффақ шуд, ки шиддати паҳншавии бемории коронавирусро пешгирӣ карда, саломатии хонандагону донишҷӯён ва кулли кормандони соҳаи илму маорифро ҳимоя намояд. Ин ташаббус натиҷаи дилхоҳ дода, боиси озодона ба фаъолияти таълиму тарбия оғоз бахшидан дар тамоми муассисаҳои таълимии кишвар гардид.

Дар баробари муваффақиятҳо ва дастовардҳои соҳаи илму маориф Пешвои миллат барои аз байн бурдани баъзе аз камбудиҳои ҷойдоша, аз ҷумла баланд бардоштани сатҳу сифати таълим, танқисии хонандагони муассисаҳои таълимӣ аз китобҳои дарсӣ, норасоии омӯзгорони соҳибтахассус аз равияҳои фанҳои табиӣ, дақиқ ва риёз, дуруст ба роҳ намондани табодули таҷрибаи донишҷӯён ва омӯзгорон, дар сатҳи паст қарор доштани сифати таълими забонҳои хориҷӣ, аз ҷумла русиву англисӣ, сатҳи пасти касбияти кадрҳои ҷавон, хусусан, дар соҳаи тандурустӣ ва ба талабот ҷавобгӯ набудани озмоишгоҳҳои фанҳои табию риёзӣ масъулинро вазифадор намуданд.

Дар партави ҳидоятҳои Пешвои миллат масъулинро мебояд, ки нақшаи чорабиниҳоро таҳия намуда, то ҷашни 30-солагии Истиқлолияти давлатӣ онҳоро бартараф созанд.

Камолҷон КАРИМОВ,
омӯзгори МТМУ №10-и шаҳри Душанбе