Дар Кохи фарҳанги ба номи Абӯабдуллоҳ Рӯдакии вилоят ба муносибати Рӯзи забони давлатии Ҷумҳурии Тоҷикистон ҷамъомади тантанавӣ доир гардид.

Назира Ғаффорӣ, муовини раиси вилояти Суғд зимни ифтитоҳи чорабинӣ нахуст паёми табрикии Раиси вилоят Раҷаббой Аҳмадзодаро ба муносибати Рӯзи забони давлатӣ ба самъи иштирокчиён расонида, аз рушди забони миллӣ ҳамчун забони давлатӣ дар даврони соҳибистиқлолӣ ёдоварӣ намуданд.

Ҳамчунин дар чорабинии мазкур аҳли зиё, олимону адибон, забоншиносон ва устодону донишҷӯёни донишгоҳҳои олии вилояти Суғд иштирок намуда, доир ба нақши забони давлатӣ дар ҳаёти сокинони кишвар суханронӣ намуданд.