Ҳамидуллохон Фақиров, ректори Донишгоҳи давлатии тиҷорати Тоҷикистон зимни нишасти хабарӣ иттилоъ дод, ки донишгоҳи мазкур ҳамкориро бо донишгоҳҳои як қатор кишварҳои хориҷӣ ба роҳ мондааст.

- Мувофиқи шартнома соли таҳсили равон 30 нафар донишҷуёни мо барои идомаи таҳсил ба кишварҳои хориҷа фиристода шудаанд, - гуфт ректор Ҳ. Фақиров. – Аз ҷумла, 4 нафар дар Федератсияи Русия, 21 нафар дар Қазоқистон, 2 нафар дар Кореяи ҷанубӣ ва 3 нафар дар Италия таҳсил доранд. Ин нисбати соли пешини таҳсил ду маротиба зиёд аст.

Тавре Ҳ. Фақиров изҳор дошт, дар донишгоҳи тиҷорат 43 нафар донишҷӯ ва унвонҷӯи хориҷӣ фарогири таҳсил шудаанд. Онҳо асосан шаҳрвандони Афғонистон ва Ӯзбекистон мебошанд.