Зимни нишасти матбуотӣ ректори Донишгоҳи техникии Тоҷикистон ба номи М. С. Осимӣ Ҳ. Одиназода доир ба ҷамъбасти нимсолаи аввали сол изҳор дошт, ки донишгоҳи мазкур бобати омода намудани мутахассисони соҳа корҳои назаррасро анҷом медиҳад.

Ба масъалаи бо кор таъмин намудани хатмкунандагони донишгоҳ дахл намуда, ректор чунин изҳор дошт: “Соли гузашта аз 527 хатмкунандагони донишгоҳ, танҳо 31 нафар ба ҷои кор таъмин шудаанду халос.”

Дар бозори меҳнати кишвар талабот надоштани мутахассисони омода намудаи донишгоҳро пеш аз ҳама ректор ба он вобаста донист, ки ҳамкориҳоро бо корхонаю ташкилот ва муассисаҳо ҳар чи бештар ҷоннок ва талаботи бозор ҳатман ба инобат гирифта шавад.