Дар назди Донишгоҳи давлатии тиббии Тоҷикистон ба номи Абӯалӣ ибни Сино Пажӯҳишгоҳи тиби бунёдӣ таъсис дода шуд, ки дар он 5 озмоишгоҳи таълимӣ бо лавозимот ва таҷҳизоти муосири зарурӣ ҷиҳозонидашуда фаъолият мекунад.

Дар ин бора Гулзода Маҳмадшоҳ, ректори донишгоҳ зимни нишасти матбуотӣ 30 январ ба хабарнигорон иттилоъ дод.

- Дар Пажӯҳишгоҳи навтаъсис озмоишгоҳҳои илмӣ-тадқиқотӣ, кишти селулаҳои бунёдӣ, омӯзиши бофтаҳо, бактериологию имунологӣ ва озмоишгоҳи бактериология ва патологияи эндотелия амал менамоянд, - гуфт ректор.

Зикр гардид, ки таъсиси озмоишгоҳҳои ҷадид ҷиҳати боз ҳам пурмаҳсул гардидани фаъолияти донишгоҳ дар самти корҳои илмию тадқиқотӣ мусоидат хоҳад кард.