Ҷиҳати татбиқи принсипҳои ҳукумати электронӣ, иқтисоди рақамӣ ва таҳсилоти рақамӣ Донишгоҳи технологии Тоҷикистон системаи автоматизонидашудаи раванди таълимро татбиқ намудааст, ки тариқи пайванди электронии www.lms.tut.tj дар шабакаи локалии донишгоҳӣ дастрас мебошад.

Дар ин бора зимни нишасти хабарии Донишгоҳи технологии Тоҷикистон 1 феврал гуфта шуд.

Дар идомаи ин гуфтаҳо ректори донишгоҳ Амонзода Илҳом Темур таъкид намуд, ки ин система аз модулҳои кормандон, шуъбаҳо, фанҳои таълимӣ, сохтани саволномаҳои тестӣ, идоракунии тестӣ, сессияи имтиҳонӣ, триместерҳо, журнали деканат, журнали омӯзгор, рейтингҳои фаннӣ, дарсҳои маҳорат ва шуъбаи таълим иборат буда, барои пурра зери назорат гирифтан ва идора кардани раванди таълим ва бойгонӣ намудани маълумот дар воситаи электронӣ фаъол мебошад.

Ҳамчунин, зерсистемаи он барои донишҷӯён ба хотири таъмини бехатарии иттилоотӣ тариқи пайванди электронии мазкур дар шабакаи локалии донишгоҳӣ дастрас мебошад.