Пас аз 8 рӯз, аниқтараш 20- июл тариқи смс- паёмак натиҷаҳои имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ эълон мешавад.

Дар ин хусус гурӯҳи фейсбукии Сарраёсати маорифи шаҳри Душанбе иттилоъ медиҳад.

Тибқи иттилои манбаъ дар 45 муассисаи таълимии таҳсилоти миёнаи умумии 20 шаҳру ноҳияи ҷумҳурӣ аз ҷониби Маркази миллии тестӣ барои баргузории даври асосии имтиҳонҳо, марказҳои имтиҳонӣ ташкил шуда, дар онҳо беш аз 1150 синфхона барои гузаронидани он омода карда шуданд.

Гуфта мешавад, ки соли равон дар давраи асосии бақайдгирӣ 95 ҳазору 276 довталаб, ки аз онҳо 78 ҳазору 222 нафар довталаби дорои таҳсилоти миёнаи умумӣ (синфи 11-ум), ибтидоӣ ва миёнаи касбӣ ва 17 ҳазору 54 нафари дигар довталаби дорои таҳсилоти умумии асосӣ (синфи 9-ум) мебошанд, номнавис шудаанд.

Гулафшон КАРИМОВА, “ҶТ”