Дар Донишгоҳи давлатии Кӯлоб ба номи Абӯабдуллоҳи Рӯдакӣ, 11 апрел, Конфронси илмӣ – назариявии ҷумҳуриявӣ таҳти унвони “Тоҷикистон– кишвари беназири сайёҳӣ ва макони ҳунарҳои мардумӣ” баргузор гардид.

Дар кори конфронс донишмандон аз Донишгоҳи давлатии ҳуқуқ, бизнес ва сиёсат, Донишкадаи исломии Тоҷикистон, Донишгоҳи давлатии Қурғонтеппа ба номи Носири Хусрав ва Донишгоҳи давлатии Хуҷанд ба номи академик Бобоҷон Ғафуров ширкат намуда, дар бахшҳои рушди сайёҳӣ ва ҳунарҳои мардумӣ маърӯзаҳои илмӣ намуданд.

Дар ҷараёни конфронс гуфта шуд, ки Тоҷикистон кишвари сайёҳӣ буда, дорои мавзеъҳои зиёди туристӣ мебошад. Сол то сол шумораи сайёҳон рӯ ба афзоиш буда, вориди сайёҳон ба ҷумҳурӣ тибқи пешгӯиҳо дар соли 2020 то 1 миллион сайёҳ хоҳад расид. Инчунин ҷумҳурии мо дорои ҳунарҳои гуногуни мардумӣ буда, онҳо муаррификунандаи тамаддуни пурғановати миллати тоҷик дар арсаи ҷаҳонӣ мебошад.

Баромадкунандагон аз ҷониби раёсати Донишгоҳи Давлатии Кӯлоб бо ифтихорномаҳо сарфароз гардонида шуда, кори конфронс бо сайри сайёҳӣ дар маркази таърихӣ- фарҳангии шаҳр, осорхонаи шаҳри Кӯлоб анҷом ёфт.