21 ноябр дар Китобхонаи миллӣ ҷаласаи ҷамъбастии Озмуни ҷумҳуриявии “Фурӯғи субҳи доноӣ китоб аст” бо иштироки Дилрабо Мансурӣ, муовини Сарвазири кишвар, Раҳим Саидзода, вазири маориф ва илми Ҷумҳурии Тоҷикистон, ғолибону иштирокчиёни озмун ва волидону омӯзгорони онҳо баргузор гардид.

Дар ин бора аз Вазорати маориф ва илми кишвар хабар доданд.

Дар раванди баргузории ҷаласа 66 нафар волидоне, ки фарзандонашон дар озмун ғолиб гардиданд, бо нишони “Маърифатпарвар” ва “Ифтихорнома”-и Китобхонаи миллии Тоҷикистон, инчунин 66 омӯзгори ғолибон бо нишони “Аълочии маориф ва илми Тоҷикистон” ва “Ифтихорнома”-и Вазорати маориф ва илми Ҷумҳурии Тоҷикистон сарфароз гардонида шуданд. Ҳамчунин, 102 иштирокчии фаъол ҳамчун иштирокчии ифтихорӣ, 20 нафақахӯр ва 10 ятиму маъюб бо туҳфаҳои пулӣ қадрдонӣ шуданд.

Бояд ёдовар шуд, ки даври ниҳоии озмуни ҷумҳуриявии “Фурӯғи субҳи доноӣ китоб аст” ҷамъбаст гардид ва ғолибон рӯзи 23 ноябр қадрдонӣ карда мешаванд.

Ҷасури ҚИЁМИДДИН, “ҶТ”